قر ۇلتتىق ەكونوميكا مينيسترلىگى مەن اۋىل شارۋاشىلىعى مينيسترلىگى قانت باعاسىنا قاتىستى تۇسىنىكتەمە بەردى. شەنەۋنىكتەردىڭ سوزىنشە، قانت باعاسى وسەدى دەۋدىڭ قاجەتى جوق.
سونىمەن ۇلتتىق ەكونوميكا ۆيتسە-ءمينيسترى ايباتىر جۇماعۇلوۆ ۇكىمەتتە وتكەن ءباسپاسوز كونفەرەنتسياسىندا "بۇل ءونىمنىڭ باعاسى جوسپارلانعان دەڭگەي بويىنشا وزگەرەدى" دەگەندى ايتادى.
"وڭىرلەردەگى باعا دەڭگەيى جىلدىڭ سوڭىنا دەيىن ءبىز بەلگىلەگەن جوسپارعا سايكەس بولادى دەپ ەسەپتەيمىز. سوندىقتان باعا قۇبىلمالىعى بولادى دەپ ويلامايمىز. وڭىرلەر بويىنشا ناقتى جۇمىس ىستەلىپ جاتىر، باعا مونيتورينگىن جاسايمىز", - دەدى ول.
ال اۋىل شارۋاشىلىعى ۆيتسە-ءمينيسترى رۇستەم قۇرمانوۆ ءار وبلىستا قانت قورى جەتكىلىكتى ەكەنىن اتاپ ءوتتى.
"بىزدە قانت قورى 500 مىڭ توننانى قۇرايدى. وڭىرلەردە ءونىم قورى بار. ال ونىڭ باعاسىنىڭ بىردەن قىمباتتاپ كەتۋ تەندەنتسياسى بايقالمايدى", - دەدى اشم وكىلى.
ايتا كەتەيىك، قازاقستاندا جىل سايىن جازدىڭ ورتاسى مەن كۇز ايلارىندا ءتاتتىنىڭ باعاسى شارىقتاپ كەتەتىنى بەلگىلى. مىسالى بىلتىر قازاقستاننىڭ ءبىراز وبلىسىندا قانتتىڭ باعاسى 20-25%-عا، كەي وڭىردە 30%-عا دەيىن كوتەرىلگەن. سول كەزدە ەڭ جوعارى باعا اتىراۋ قالاسىندا تىركەلدى. مۇندا 1 كگ قانتتىڭ قۇنى 400 تەڭگەگە دەيىن جەتكەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى