وسى جىلدىڭ قاڭتار-مامىر ايىندا قازاقستانعا 134,2 مىڭ توننا قانت (71,8 ملن دوللارعا) يمپورتتالعان. بۇل كورسەتكىش 2016 جىلدىڭ سايكەس كەزەڭىنە قاراعاندا 20,6 پايىزعا تومەن.
2017 جىلى قانتتى جەتكىزۋ قۇرىلىمى ايتارلىقتاي وزگەرگەن. مىسالى رەسەي قازاقستانعا وسى جىلدىڭ العاشقى بەس ايىندا 65,5 مىڭ توننا قانت جەتكىزگەن. وتكەن جىلعى كورسەتكىش – 0,6 مىڭ توننا.
ال برازيليا وتكەن جىلى 123,7 مىڭ توننا قانت يمپورتتاسا، بيىل بار بولعانى 50,8 مىڭ توننا قانت (24,7 ملن دوللار) جەتكىزگەن. وسىلايشا بۇل ەلدەن كەلەتىن قانت كولەمى 58,9%-عا قىسقارعان.
سونداي-اق، قانت يمپورتىنىڭ ەڭ كوپ مولشەرى بەلارۋسقا تيەسىلى. 5 ايدا بۇل ەلدەن قازاقستانعا 8,3 ملن دولارعا 17,6 مىڭ توننا قانت يمپورتتالعان. ال وتكەن جىلى 190,3 مىڭ دوللارعا 0,4 مىڭ توننا قانت جەتكىزىلىپتى.
ايتا كەتەيىك، قر ۇلتتىق ەكونوميكا مينيسترلىگى مەن اۋىل شارۋاشىلىعى مينيسترلىگى قانت باعاسىنا قاتىستى تۇسىنىكتەمە بەرىپ، "قانت باعاسى وسەدى دەۋدىڭ قاجەتى جوق" دەپ مالىمدەگەن. الايدا كۇزگى ماۋسىم باستالعاندا جىلدا باعانىڭ بىردەن ءوسىپ كەتەتىنى بەلگىلى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
