فوتو: Nur.kz

ەندى قازاقستاندىق دارىگەرلەر كاسىبي تۇردە قاتەلەسكەن جاعدايدا جارنا تولەۋى مۇمكىن. دەنساۋلىق ساقتاۋ مينيسترلىگى  وسىنداي زاڭ نورمالارىن ەنگىزۋدى جوسپارلاپ وتىر. بۇل تۋرالى دەنساۋلىق ساقتاۋ ۆيتسە-ءمينيسترى الەكسەي تسوي "مەديتسينا قىزمەتكەرلەرىنىڭ كاسىبي جاۋاپكەرشىلىگىنە كەپىلدىك بەرۋ ماسەلەلەرى جونىندەگى قر كەيبىر زاڭ اكتىلەرىنە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن تانىستىرۋ كەزىندە مالىمدەدى.

"جارنا بويىنشا قازاقستان اكتۋاريلەرى (ساقتاندىرۋ جارناسىن ەسەپتەۋشى مامان - رەد.) ەسەپ جۇرگىزدى. ورتاشا بازالىق مولشەرلەمە دارىگەرلەردىڭ كاسىبي دارەجەسىنە بايلانىستى بەلگىلەنەدى. مىسالى دارىگەر-حيرۋرگ ەمدەۋ كەزىندە قاتە جىبەرسە جىلىنا 44 مىڭ تەڭگە شاماسىندا جارنا تولەيدى. ال مەدقىزمەتكەرلەر بۇل سومانى تولەۋگە دايىن. سەبەبى مۇنداي جاعدايدا ولاردا پاتسيەنتتى ەمدەۋدە جاۋاپكەرشىلىك  جانە پاتسيەنتتەرگە ەشقانداي زيان كەلتىرمەۋگە كەپىلدىك بولادى", - دەدى الەكسەي تسوي.

سونداي-اق، الەكسەي تسويدىڭ سوزىنشە، مينيسترلىك وتەماقى سوماسىن دا ناقتىلاۋدى جوسپارلاپ وتىر. ياعني ەگەر ناۋقاس دارىگەردىڭ قاتەلىگىنەن ءۇشىنشى توپتاعى مۇگەدەك بولىپ قالسا وعان 500 اەك تولەنەدى (2017 جىلعى اەك - 2269 تەڭگە). بۇل شامامەن 1,134 ملن تەڭگە.

سونداي-اق، مينيسترلىكتىڭ الدىن الا جاسالعان ەسەبى بويىنشا  دارىگەر قاتەلىگىنەن پاتسيەنت قايتىس بولعان جاعدايدا 1000 اەك كولەمىندە وتەماقى بەرىلۋى مۇمكىن.

ال مەديتسينالىق قاتەلەردى انىقتاۋ اككرەديتتەلگەن تاۋەلسىز ساراپشىلاردان تۇراتىن ساراپتاما كوميسسياسىنىڭ قاتىسۋىمەن جۇرگىزىلەدى.

“The Qazaq Times”