فوتو: Patek Philippe Fake

Antiquorum اۋكتسيونىنا قويىلعان Patek Philippe Triple Complication كومپانياسىنىڭ ۆلاديمير ۆلاديميروۆيچ ءپۋتيننىڭ اتىنا كەپىلدەندىرىلگەن ساعاتى 1,054 ملن دوللارعا ساتىلعان. بۇل تۋرالى vedomosti.ru حابارلايدى.

اۋكتسيوندى وتكىزگەن Monaco Legends كومپانياسىنا سىلتەمە جاساعان ۆۆس اگەنتتىگىنىڭ مالىمەتىنشە، ساتىلعان ساعاتتى جاساۋ شەكتەۋلى جانە وتە سيرەك كەزدەسەتىن  Patek Philippe 5208P Triple Complication مودەلى. ونى تەك ارنايى تاپسىرىسپەن ساتىپ الۋعا بولادى. الايدا ونى ناقتى كىمنىڭ ساتىپ العانىن اۋكتسيون وتكىزگەن كومپانيا حابارلاماعان.

العاش رەت  Mr Vladimir Vladimirovic Putin دەپ اتالاتىن ساعاتتىڭ شىعارىلعانى تۋرالى اقپارات ماۋسىم ايىنىڭ باسىندا Hodinkee اتتى ونلاين دۇكەننىڭ سايتىندا پايدا بولعان. الايدا بۇل ساعاتتاردىڭ رەسەي پرەزيدەنتى ۆلاديمير پۋتينمەن بايلانىسى بار-جوعى بەلگىسىز. سەبەبى ونىڭ ءباسپاسوز حاتشىسى دميتري پەسكوۆ مۇنى جالعان اقپارات دەگەن.

ال Monaco Legends  كومپانياسى بولسا "ساعاتتى ۆلاديمير ۆلاديميروۆيچ پۋتين ەسىمدى ادامعا سىيلىققا بەرۋ ماقساتىندا قۇرمەتتى ازاماتتاردىڭ ءبىرى ساتىپ الدى" دەپ تۇسىندىرگەن.

“The Qazaq Times”