قازاقستان 2017 جىلدىڭ قاڭتار-مامىر ايىندا 1,6 ملن توننا بيداي جانە مەسلين ءونىمىن ەكسپورتتاعان. بۇل كورسەتكىش وتكەن جىلدىڭ العاشقى بەس ايىمەن سالىستىرعاندا 16,7%-عا نەمەسە307,7 ملن دوللارعا از.
قارجى ەسەبى بويىنشا وسى جىلدىڭ العاشقى بەس ايىندا ەكسپورت 255 ملن دوللاردى قۇراعان جانە وتكەن جىلدىڭ سايكەس كەزەڭىنە قاراعاندا 16,9%-عا تومەن.
بيدايدىڭ كوپ بولىگىن وزبەكستان ساتىپ العان. بۇل ەلگە 72 ملن دوللارعا 616 مىڭ توننا بيداي تاسىمالدانعان. سونداي-اق، 376 مىڭ توننا بيدايدى 60,8 ملن دوللارعا تاجىكستان العان. قىتاي 33,6 ملن دوللارعا 185 مىڭ توننا، اۋعانستان 19,3 ملن دوللارعا 119 مىڭ توننا بيداي ساتىپ العان.
ال قىرعىزستانعا 17,6 ملن دوللارعا 99,1 مىڭ توننا، يتالياعا 20,1 ملن دوللارعا 83,9 مىڭ توننا بيداي ەكسپورتتالعان.
سونداي-اق، قازاقستاننىڭ بيدايىن از ساتىپ العان ەلدەر رەسەي (10,8 ملن دوللارعا 61,3 مىڭ توننا) مەن شۆەتسيا (6,4 ملن دوللارعا 21,2 مىڭ توننا بيداي).
بۇدان بولەك قازاقستاننىڭ بيدايى تۇركيا (5,9 ملن دوللارعا 29,3 توننا) مەن تۋنيسكە (4,1 ملن دوللارعا 18,9 مىڭ توننا) ەكسپورتتالعان.
ايتا كەتەيىك، مامىر ايىندا اۋىل شارۋاشىلىق ۆيتسە-ءمينيسترى قايرات ايتۋعانوۆ ۇكىمەت وتىرىسىندا "سوڭعى جىلدارى قازاقستانداعى استىقتىڭ ساپاسى تومەندەپ كەتكەن" دەپ مالىمدەگەن. مىسالى 2011 جىلدارى 1-ءشى جانە 3-ءشى ساناتتاعى استىقتىڭ كولەمى 88% بولسا، 2016 جىلى بۇل كورسەتكىش 45%-عا دەيىن قۇلدىراعان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى