ۇلتتىق بانك ەكىنشى دەڭگەيلى بانكتەر ءۇشىن 500 ملرد تەڭگە جۇمساۋى مۇمكىن

سونداي-اق، ول بانكتەر باعدارلاماعا ءوز ەركىمەن قاتىسا الاتىنىن اتاپ ءوتتى. قاراجات بانكتەرگە قايتا قايتارۋ شارتى بويىنشا بەرىلەدى، بۇل جاعدايدا بانك اكتسيونەرلەرىنىڭ دە ءرولى ماڭىزدى ەكەنىن اتاپ ءوتتى. ال باعدارلاما جۇمىسىمەن جانە مونيتورينگىمەن اينالىساتىن ەنشىلەس ۇيىم قۇرىلادى.

سمولياكوۆتىڭ سوزىنشە، الداعى 1,5 اي ىشىندە ۇلتتىق بانكتىڭ ەنشىلەس ۇيىمى ءاربىر بانكتى ساۋىقتىرۋعا قاتىستى جەكە جوسپار دايىندايدى. ۇيىم وسى جىلدىڭ تامىز-قىركۇيەك ايلارىندا ىسكە قوسىلىپ قالۋى مۇمكىن.

ال ۇلتتىق بانكتىڭ بانكتەردى باقىلاۋ جونىندەگى دەپارتامەنتىنىڭ ديرەكتورى ولجاس قازيتوۆتىڭ سوزىنشە، بۇل باعدارلامانىڭ ىسكە قوسىلۋىنىڭ باستى سەبەبى - جۇمىس ىستەمەيتىن كرەديتتەر. "رەسمي مالىمەت بويىنشا جۇمىس ىستەمەيتىن كرەديتتەردىڭ دەڭگەيى قارىز پورتفەلىنىڭ 11 پايىزىن قۇرايدى. بىراق ءبىز مۇنى جوعارعى كورسەتكىش دەپ ەسەپتەيمىز. قايتا قۇرىلىمدالعان قارىزدار دا پروبلەمالى بولىپ تابىلادى، ولاردىڭ ۇلەسى قازىر 25 پايىز. بۇلار كاپيتالعا ايتارلىقتاي قىسىم جاساپ، كرەديتتەۋدى توقتاتىپ وتىر", - دەيدى ول.

ۇلتتىق بانكتىڭ بانكتەردى ساۋىقتىرۋعا جۇمساپ وتىرعان قارجىسى تەك بۇل عانا ەمەس. بۇعان دەيىن قازكومعا قارجى بەردى. دەگەنمەن بانكتەر تەك بۇل قارجىنى الىپ قانا قويماي ەكونوميكانىڭ وسۋىنە ۇلەس قوسسا بولعانى.

“The Qazaq Times”