تاۋلى قاراباقتا بەيبىت كەلىسىم ءبىر تاۋلىكتىڭ ىشىندە 133 رەت بۇزىلعان

ءازىربايجاننىڭ سىرتقى ىستەر مينيسترلىگى تاۋلى قاراباقتا ءبىر تاۋلىكتىڭ ىشىندە 133 رەت وق اتىلعانىن حابارلادى.

رەسمي مالىمدەمەدە «ارمەنيانىڭ قارۋلى كۇشتەرى ءىرى كوليبرلى پۋلەمەتتەردى قولدانىپ، تاۋلى قاراباقتىڭ ءارتۇرلى اۋماعىندا، ءبىر ءتۇننىڭ ىشىندە 133 رەت «وق جاۋدىرۋدى توقتاتۋ تۋرالى» بەيبىت كەلىسىمدى بۇزدى دەپ جازىلعان.

2016 جىلى 2 ساۋىردە ارمەنيا مەن ءازىربايجان تاۋلى قاراباق وقيعاسى شيەلەنىسىپ تۇرعانىن ايتقان بولاتىن. ءازىربايجان تىنىشتىقتى بۇزعانى ءۇشىن ارمەنيانى كىنالاسا، ارمەنيا ءازىربايجان اسكەرى شابۋىلدى ءبىرىنشى باستادى دەپ ءوز سوزىنەن قايتپاعان ەدى. سول جىلى 5 ساۋىردە ەكى تاراپ بەيبىت مامىلەگە كەلىپ، شەكارادا وق اتۋدى ءبىرجولا توقتاتۋ تۋرالى كەلىسىمگە قول قويعان. بىراق ودان بەرى ەكى ەل ءبىرىن-ءبىرى بەيبىت كەلىسىمدى بۇزدى دەپ بىرنەشە رەت ايىپتاپ ۇلگەردى.

“The Qazaq Times”