وزبەكستان پرەزيدەنتتىك اكىمشىلىگىنە قاراستى مينسترلىكتەر مەن اگەنتتىك مۇشەلەرى،  ازاماتتار ءۇشىن شەتەلگە شىعۋ ۆيزاسىن الىپ تاستاۋ جونىندە تالقىلادى. شىلدە ايىندا ساراپقا الىنعان بۇل ماسەلە جونىندە ورتالىق ازيا جاڭالىقتار قىزىمەتى حابارلادى.

قاڭتاردا ۇكىمەت سايتىندا وسى ءىس بويىنشا پرەزيدەنت جارلىعىنىڭ جوباسى ماقۇلدانعان بولاتىن. وندا شەتەلگە شىعۋدى قالاعان ازاماتتار، مىندەتتى تۇردە شىعۋ ۆيزاسىن الۋ كەرەك دەگەن ەرەجەنى جويۋ نورماسى قارالعان.

كەڭەس داۋىرىنەن بەرى ساقتالىپ كەلگەن ەرەجە، ەلدەن شىعۋدى قالايتىن وزبەكستان ازاماتتارى ءۇشىن ۇلكەن توسقاۋىل بولىپ كەلگەن ەدى. شىعۋ ۆيزاسىن جويۋ ۇسىنىسى، وتكەن جىلى بيلىككە كەلگەن شاۆكات ميرزيەەۆتىڭ تۇسىندا ەلدى اشىق ۇستاۋعا باعىتتالعان باستامانىڭ ءبىرى بولىپ سانالادى.

“The Qazaq Times”