ۋكراينا ىشكى ىستەر ءمينيسترىنىڭ ورىنباسارى يليا كيۆا ۋكراينادا «قىزىل تەررور» جاسايتىنىن مالىمدەدى.

ۋكراينا سوتسياليستەر پارتياسىنىڭ باسشىسى يليا كيۆا ءوزىنىڭ Facebook پاراقشاسىندا «مەنىڭ باسشىلىعىممەن پارتيا ۋكرايناداعى وليگارحتاردى قۇرتۋدا ءتيىمدى قارۋ بولا الادى. ۋكراينا وليگارحتارىنا «قىزىل تەررور» بولسىن» - دەپ جازعان.

بۇعان دەيىن ۋكراينا پارلامەنتىنىڭ «ءوزى كومەك» فراكتسياسىنىڭ باسشىسى ولەگ بەرەزيۋك «ۋكراينانى بانديتتەر، وليگارحتار جانە وتىرىكشىلەر باسقارىپ وتىر» - دەپ مالىمدەمە جاساپ. ورتالىق اتقارۋ بيلىگىنىڭ جۇمىسىنا نارازىلىعىن ءبىلدىرىپ اشتىق جاريالاعان بولاتىن.

 “The Qazaq Times”