قازاقستان قاۋىپسىز ەل دەپ تانىلدى

شۆەيتسارياداعى "بۇكىلالەمدىك ەكونوميكالىق فورۋم" ۇكىمەتتىك ەمەس قورى "2017 جىلعى ساياحات پەن ءتۋريزمنىڭ باسەكەگە قابىلەتتىلىگى تۋرالى" بايانداماسىندا تۋريستەر ءۇشىن ەڭ قاۋىپسىز ەلدەردىڭ رەيتينگىن جاسادى.

رەيتينگكە قاتىسقان 136 مەملەكەتتىڭ تەرروريزم مەن قىلمىس دەڭگەيى زەرتتەلگەن. قازاقستان اتالعان رەيتينگتە 58-ورىنعا تۇراقتاپ، فرانتسيا (67-ورىن), يتاليا (70-ورىن), ۇلىبريتانيا (78-ورىن) جانە  اقش (84-ورىن) مەملەكەتتەرىن ارتتا قالدىردى. ەڭ قاۋىپسىز ەلدەردىڭ كوشىن باستاپ تۇرعان ءۇش مەملەكەت: فينليانديا، بىرىككەن اراب امىرلىكتەرى جانە  يسلانديا.

قازاقستاندىقتار دەمالىس ايماعى رەتىندە ءجيى تاڭدايتىن تۇركيا 116, تايلاند 118, ەگيپەت 130-ورىنعا يە بولىپ، تۋريستەر ءۇشىن قاۋىپ-قاتەر دەڭگەيى جوعارى مەملەكەتتەر ساناتىنا ەندى.

 “The Qazaq Times”