Facebook 2016 جىلى مەنلو-پارك قالاسىنىڭ اكىمشىلىگىنە قوناق ءۇي، ساياباق جانە ۆەلوسيپەد جۇرگىزەتىندەرگە ارنالعان كوپىر بولاتىن شتاب پاتەر جوباسىن تانىستىرعان. ەندى كومپانيانىڭ جاڭا كورپۋسىندا الەۋمەتتىك جەلىنىڭ 6500 قىزمەتكەرى جۇمىس ىستەي الادى، دەپ حابارلايدى Vc.ru.
سونداي-اق، جوبا بويىنشا الەۋمەتتىك جەلىنىڭ شتاب پاتەرى ماڭىندا بارلىق كەلۋشىلەرگە ارنالعان ەركىن ايماق بوي كوتەرەدى. مىسالى مۇندا 200 بولمەلى قوناق ءۇي، ۆەلوسيپەدتەرگە ارنالعان تۇراق جانە كوپىر سالىنادى.
الايدا مەنلو-پارك تۇرعىندارى كومپانيا كامپۋسىن كەڭەيتۋگە قارسى. ويتكەنى 6500 جۇمىس ورنى بولاتىن كامپۋستىڭ سالىنۋى پاتەرلەردىڭ جەتىسپەۋشىلىگىنە اكەپ سوعۋى مۇمكىن.
ال Facebook وكىلدەرى بولسا كەز كەلگەن ادام ساتىپ الۋعا بولاتىن كوپپاتەرلى ۇيلەر سالۋ تۋرالى ۇسىنىس جاسادى. مەنلو-پارك اكىمشىلىگىمەن جاسالعان كەلىسىمگە سايكەس، پاتەرلەردىڭ 15 پايىزى تابىسى تومەن وتباسىلارعا بەرىلەدى جانە قالانىڭ ينفراقۇرىلىمىن دامىتۋعا كومەكتەسەدى.
دەسە دە قۇرىلىس نىسانىن سالۋعا قارسى شىققاندار Facebook شتاب پاتەردەگى قىزمەتكەرلەر سانىن كوبەيتىپ جىبەرمەۋ كەرەك دەپ ەسەپتەيدى. سەبەبى قالا ازىرگە پاتەر جەتىسپەۋشىلىك ماسەلەسىن شەشە المايدى، ال جاڭا عيماراتتاردى سالۋ كوپ ۋاقىت الادى. مەنلو-پارك اكىمشىلىگى بولسا Facebook وكىلدەرىنىڭ ۇسىنىسىن قولداپ وتىر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
دۇيسەنبى كۇنگى رەسەيدەگى ەكى بىردەي جارلىس. ەلەكتروندى سوعىستا كىم ۇتادى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى