وڭتۇستىك كورەيا سولتۇستىك كورەيامەن كەلىسسوزدەرگە دايىندالىپ جاتىر

وڭتۇستىك كورەيا كورەي حالىق دەموكراتيالىق رەسپۋبليكاسىنا اسكەري ماسەلەلەر بويىنشا كەلىسسوزدەر جۇرگىزۋدى جانە "قىزىل كرەست" جەلىسى بويىنشا كەزدەسۋلەردى ۇيىمداستىرۋدى ۇسىنۋعا دايىندالىپ جاتىر، دەپ حابارلايدى رەنحاپ اگەنتتىگى. 

وسىدان بۇرىن وڭتۇستىك كورەيا پرەزيدەنتى  مۋن چجە ين سولتۇستىك كورەيامەن ەكى ەل اراسىنداعى سالقىن قارىم-قاتىناسقا بايلانىستى تۋىستارىنان قول ءۇزىپ قالعان ازاماتتاردى جاقىندارىمەن قايتا قاۋىشتىرۋ جانە اتا-بابالارىنىڭ زيراتتارىنا بارۋعا مۇمكىندىك بەرۋ تۋرالى كەلىسىمگە كەلۋ نيەتىن بىلدىرگەن بولاتىن.

ەكى ەلدىڭ بىرىگۋى ماسەلەسى بويىنشا مينيسترلىكتىڭ وكىلى لي يۋدجين: ء"بىز قازىر سولتۇستىك كورەيانىڭ جاۋابىن كۇتىپ وتىرمىز. ەكى ەل اراسىنداعى اسكەري ماسەلەلەر بويىنشا كەلىسسوزدەردىڭ بارىسى مەن مازمۇنى جاقىن كۇندەرى جاريالاناتىن بولادى", -دەدى.

ساراپشىلاردىڭ پىكىرىنشە، وڭتۇستىك كورەيا تاراپىنان ۇسىنىلعان اسكەري باعىتتاعى كەلىسسوزدەر شەكارادا داۋىس ۇلعايتقىش قۇرىلعى ارقىلى كۇن سايىن جۇرگىزىلەتىن ناسيحات جۇمىستارىن توقتاتۋعا بايلانىستى بولۋى مۇمكىن.

“The Qazaq Times”