الماتىدا جاڭا جول ايىرىعى پايدالانۋعا بەرىلدى

الماتىدا بوكەيحانوۆ كوشەسىنىڭ قيلىسى مەن سولتۇستىك اينالىم بويىندا جاڭا جول ايىرىعى اشىلدى. بۇرىن وسى ۋچاسكەدە تاۋلىگىنە 211 مىڭ اۆتوموبيل وتەتىن بولسا، جاڭا نىسان ارقىلى جولدان وتەتىن كولىك سانى 361 مىڭعا ارتىپ، 70%-دى قۇرادى. جاڭا جول ايىرىق دوروجنيك، شاڭىراق، وجەت ىقشام اۋداندارىنداعى كولىك كەپتەلىسىن 20%-عا قىسقارتادى، دەپ حابارلايدى قالا اكىمدىگىنىڭ ءباسپاسوز قىزمەتى. 

جول جوسپارلانعان مەرزىمىنەن التى اي بۇرىن بەرىلدى. جولايرىق قۇرىلىسى 2015 جىلدىڭ سوڭىندا باستالعان، جالپى قۇنى - 8,6 ملرد تەڭگە.

سونداي-اق، قازىرگى كەزدە فۋرمانوۆ كوشەسىنەن جانسۇگىروۆ كوشەسىنە دەيىن تەمىرجول ارقىلى ەستاكادامەن بىرگە، حمەلنيتسكي كوشەسى مەن ءسۇيىنباي داڭعىلىنان جاس قانات ىقشام اۋدانىنا دەيىن، اباي داڭعىلى-اۋەزوۆ كوشەسىنەن قالقامانعا دەيىن، ودان قالا شەكاراسىنا دەيىن ۇڭعىلاۋ جۇمىستارى جۇرگىزىلىپ جاتىر.

اكىمدىكتىڭ مالىمەتىنشە، سەيفۋللين – جانسۇگىروۆ، رىسقۇلوۆ داڭعىلى، ەمتسوۆ كوشەسى مەن قۇلجا تراسساسى قيىلىستارىندا جول ايىرىق قۇرىلىستارى جالعاسۋدا، BRT جەلىسى بويىنشا كوشە-جول جۇيەسى جاڭارۋدا، ناۋرىزباي اۋدانىنداعى قالقامان جانە التى الاش ەلدى مەكەندەرىندە ۇزىندىعى 17,335 كم بولاتىن، الاتاۋ اۋدانىنداعى العاباس جانە اقبۇلاق ەلدى مەكەندەرىندە ۇزىندىعى 10,993 كم بولاتىن جولدار سالىنۋدا.

سونىمەن قاتار، الماتىدا جۇرگىنشىلەرگە باسىمدىلىق بەرۋ ءۇشىن بىرقاتار كوشەلەر قايتا جاسالىپ جاتىر. بيىلعى جىلدىڭ اياعىنا دەيىن پانفيلوۆ، جىبەك جولى، گوگول، قابانباي باتىر كوشەلەرى مەن «استانا» الاڭىنا تاستار توسەلەدى، جاسىل جەلەك وتىرعىزىلادى، كىشى ارحيتەكتۋرالىق فورمالار قويىلادى، سپورت ينۆەنتارلارى ورناتىلىپ، بالالار الاڭدارى پايدا بولادى، ۆەلوجولدار اباتتاندىرىلادى، نىساندار تەكشەلەرى جارىقتاندىرىلادى.

الماتى اكىمى باۋىرجان بايبەكتىڭ ايتۋىنشا، مەگاپوليستە 10 جىل ىشىندە 30 جول ايىرىق ىسكە قوسىلعان. الايدا حالىقارالىق تاجىريبە جەكە كولىكتەر ءۇشىن ينفراقۇرىلىم كوپ جاسالسا، قالانىڭ كولىك تارفيگىنىڭ ارتا تۇسەتىنىن كورسەتىپ وتىر.

 “The Qazaq Times”