فوتو: اشىق دەرەككوزدەن

جۇما كۇنى تۇستەن كەيىن فبر ترامپتىڭ ءۇيىن تىنتكەن كەزدەگى الىنعان قۇجاتتاردىڭ ءتىزىمىن جاريالادى. ەكس-پرەزيدەنتتىڭ قىلمىسى دالەلدەنسە 5 جىلعا سوتتالۋى مۇمكىن دەپ جازدى ببس ارناسى.

اقش تىڭ بۇرىنعى پرەزيدەنتى دونالد ترامپتىڭ ۇيىنە دۇيسەنبى كۇنى ءتىنتۋ جۇرگىزىلگەنىن وسىعان دەيىن حابارلاعان بولاتىنبىز. فبر تاركىلەگەن زاتتاردىڭ اراسىندا يادرولىق قارۋعا بايلانىستى قۇجاتتار بولۋى مۇمكىن دەيدى دەرەككوزدەر، الايدا، قايسى ەلگە قاتىستى ەكەنى ايتىلمايدى. ترامپ مىرزا تەرگەۋگە بايلانىستى قۇجاتتاردىڭ جاريالانۋىنا قارسى ەمەس ەكەندىگىن مالىمدەگەن، سونداي اق،تاركىلەنگەن زاتتارىن تۇگەندەۋگە ءوتىنىش بىلدىرگەن. امەريكا تاريحىندا العاش رەت قىلمىستىق تەرگەۋ ماقساتىندا بۇرىنعى پرەزيدەنتتىڭ ۇيىنە ءتىنتۋ جۇرگىزدى. ترامپ مىرزا جانە باسقا رەسپۋبليكاشىلار بۇل قادامنىڭ ساياسي استارى بار دەپ سانايدى. بىراق بەيسەنبى كۇنى ءباسپاسوز ءماسليحاتىندا باس پروكۋرور گارلاند مىرزا فبر اگەنتتەرى مەن ادىلەت دەپارتامەنتىنىڭ شەنەۋنىكتەرىن قورعاپ، ءتىنتۋدىڭ ترامپ مىرزانىڭ قۇقىعىنا قول سۇعۋ ەمەس، بارلىعى زاڭ اياسىندا بولعانىن ايتتى. سونداي اق، فبر 11 قۇجات جيناعان، سونىڭ ىشىندە اقش تىڭ ۇلتتىق قاۋىپسىزدىگىنە ەرەكشە اۋىر زيان كەلتىرۋى مۇمكىن دەپ سانالعان ماتەريالدار بار. جۇما كۇنى تۇستەن كەيىن تاركىلەنگەن زاتتاردىڭ ءتىزىمى جاريالاندى، وندا فوتوسۋرەتتەر، قولجازبالار، فرانتسيا پرەزيدەنتى تۋرالى انىقتالماعان اقپارات، ترامپتىڭ ۇزاق ۋاقىتتان بەرگى وداقتاسى رودجنر ستوۋننىڭ اتىنان جازىلعان كەشىرىم حاتى، سونىمەن بىرگە وتە قۇپيا فايىلداردىڭ ءتورت جيناعى، كەش قۇپيا قۇجاتتاردىڭ ءۇش جيناعى، قۇپيا ماتەريالدىڭ ءۇش جيناعى بولعان. بۇل قۇپيا قۇجاتتاردى الۋعا زاڭ بويىنشا تيىم سالىناتىندىقتان، ەندى دونالد ترامپ بەس جىلعا دەيىن باس بوستاندىعىنان ايىرىلۋى مۇمكىن دەپ حابارلايدى ۆۆس news.

ال بۇنى 2024 جىلعى پرەزيدەنت سايلاۋىنا قارسى جاسالىپ وتىر دەيتىندەر دە بار.