فوتو: zakon.kz

استانا كۇنىنە وراي ، وڭتۇستىك قازاقستان وبلىسىندا  رەكونسترۋكتسيادان وتكەن "ناۋرىز" ساياباعى ىسكە قوسىلدى. 1991 جىلى قۇرىلعان دەمالىس ورنى 26 جىل ىشىندە بىردە-ءبىر رەت جوندەۋ كورمەگەن. بيىل قالا باسشىلىعىنىڭ نازارىنا ىلىككەن ەسكى ساياباق جاڭارتىلىپ، ءوڭىر تۇرعىندارىنا پايدالانۋعا بەرىلدى.

ساياباقتىڭ اشىلۋ سالتاناتىنا ارنايى كەلىپ قاتىسقان شىمكەنت قالاسىنىڭ اكىمى جانسەيىت تۇيمەباەۆ حالىقتى اتاۋلى مەرەكەمەن قۇتتىقتاپ، ەلىمىزدە از جىلدا ورىن العان يگى وزگەرىستەرگە توقتالدى. سونداي-اق،  شىمكەنت قالاسىنىڭ ءىرى مەگاپوليس رەتىندە قازاقستان ءۇشىن ماڭىزدى الەۋمەتتىك-ەكونوميكالىق ايماق سانالاتىنىن اتاپ ءوتىپ، جاڭا ساياباقتىڭ قالا تۇرعىندارى مەن قوناقتارى ءۇشىن سۇيىكتى مەكەنگە اينالاتىنىنا سەنىم ءبىلدىردى.

8 گا اۋماقتى الىپ جاتقان ساياباقتى جوندەۋ جۇمىستارىنا وبلىستىق بيۋدجەتتەن 180 ملن تەڭگە كولەمىندە قارجى جۇمسالعان.

“The Qazaq Times”