"Al-Jazeera" ء(ال-جازيرا) تەلەارناسىنىڭ تىلشىلەرى اراب مەملەكەتتەرىنىڭ ارنانى جابۋ تۋرالى تالابىنا جاۋاپ بەردى. ساۋد ارابياسى، ەگيپەت، بىرىككەن اراب امىرلىكتەرى  مەن باحرەين مەملەكەتتەرىنىڭ باسشىلارىنا بەينەروليك ارقىلى جاۋاپ قاتقان جۋرناليستەر تەلەارنانى جابۋعا دەگەن ۇمتىلىس - ازاماتتاردىڭ شىنايى اقپاراتقا قول جەتكىزۋ قۇقىعىن شەكتەۋ دەپ ەسەپتەيدى. 

بەينەروليكتە: ء"بىزدىڭ دە اتالعان مەملەكەتتەرگە قويار تالابىمىز بار. ءبىز جۋرناليستەرگە قىسىم كورسەتىلمەيتىن، ازاماتتار شىنايى اقپاراتقا كەدەرگىسىز قول جەتكىزە الاتىن قوعامنىڭ بولعانىن قالايمىز. "Al-Jazeera" تەلەارناسىن جابۋ ادامداردى ءوز ماسەلەلەرى جونىندە ۇندەمەۋگە ماجبۇرلەۋ " - دەلىنگەن.

ەستەرىڭىزگە سالا كەتەيىك، وسىدان بۇرىن ساۋد ارابياسى، ەگيپەت، بىرىككەن اراب امىرلىكتەرى  مەن باحرەين كۋۆەيت ارقىلى كاتار مەملەكەتىنىڭ باسشىلىعىنا ەلدى ديپلوماتيالىق يزولياتسيادان شىعارۋ ءۇشىن قويىلاتىن تالاپتاردىڭ ءتىزىمىن جولداعان بولاتىن. ولاردىڭ قاتارىندا يرانمەن ديپلوماتيالىق قارىم-قاتىناستى ءۇزۋ، ەل اۋماعىنداعى تۇركيانىڭ اسكەري بازاسىن جابۋ جانە "Al-Jazeera" سپۋتنيكتىك ارناسىنىڭ قىزمەتىنە تىيىم سالۋ بار.

بارلىق تالاپتاردى ورىنداۋ ءۇشىن كاتارعا ءۇش كۇن ۋاقىت بەرىلدى. بۇل تالاپتاردىڭ ورىندالۋىن مۇمكىن ەمەس دەپ تانىعان  كاتار مەملەكەتىنىڭ سىرتقى ىستەر مينيسترلىگى كەيىننەن ۋلتيماتۋمدى ورىنداۋ ءۇشىن   قوسىمشا 48 ساعات سۇراپ، حات جولداعان بولاتىن.

ايتا كەتۋ كەرەك، بۇۇ "Al-Jazeera" تەلەارناسىنا قارسى جاسالىپ وتىرعان ارەكەتتى ءسوز بوستاندىعىن شەكتەۋ دەپ سانايتىنىن مالىمدەدى.

«The Qazaq Times»