قازاقستاندا ءبىر ايدا جۇمىسسىزدار سانى بىردەن ءوسىپ كەتتى

2017 جىلدىڭ مامىر ايىندا قازاقستاندا جۇمىسپەن قامتۋ ورىندارىندا تىركەلگەن جۇمىسسىزداردىڭ سانى 92,9 مىڭ ادامدى قۇرادى. 

ال ءبىر اي بۇرىنعى كورسەتكىش 82,2 مىڭ ادام بولعان. وسىلايشا جۇمىسسىزدار سانى 13 پايىزعا دەيىن ارتىپ وتىر.

ەۋرازيالىق ەكونوميكالىق كوميسسيا ۇسىنعان مالىمەتكە ءمان بەرسەك، ەۋرازيالىق ەكونوميكالىق وداق ەلدەرى بويىنشا ەڭبەك بيرجاسىندا تىركەلگەن جۇمىسسىزدار سانى 1,1 ملن ادامدى قۇراعان جانە بۇل ەكونوميكالىق بەلسەندى حالىق سانىنىڭ 1,2 پايىزىن قۇرايدى. ال 2016 جىلدىڭ مامىر ايىمەن سالىستىرار بولساق، بيىل ارمەنيادا تىركەلگەن جۇمىسسىزدار سانى 1,3 پايىزعا،  بەلارۋستا 25,8 پايىزعا، رەسەيدە 16,5 پايىزعا ازايعان. ال قازاقستاندا ولاردىڭ سانى 28,7 پايىزعا، قىرعىزستاندا 5,2 پايىزعا ۇلعايىپ كەتكەن.

حالىقارالىق ەڭبەك ۇيىمىنىڭ مالىمەتىنشە، ەاەو بويىنشا جالپى جۇمىسسىزدار سانى ەكونوميكالىق بەلسەندى حالىقتىڭ 5,6 پايىزىن (2016 جىلدىڭ 4 توقسانى) قۇرايدى. ولاردىڭ  17,4 پايىزى ارمەنيادا (2016 جىلدىڭ 4 توقسانى), 5 پايىزى قازاقستاندا (2017 جىلدىڭ 1 توقسانى), 7,6 پايىزى قىرعىزستاندا (2015 جىل) جانە 5,6 پايىزى رەسەيدە (2017 جىلدىڭ 1 توقسانى).

“The Qazaq Times”