2017 جىلى 1 شىلدە كۇنى قازاقستان رەسپۋبليكاسى ۇلتتىق ۇلانىنىڭ الماتىلىق 5571 اسكەري ءبولىمىنىڭ جاس ساربازداردى اسكەري انت قابىلدادى.

ەلباسى ن.نازارباەۆ تاۋەلسىزدىك العاننان كەيىنگى قۇقىقتىق ءتارتىپتى قامتاماسىز ەتۋگە ءجىتى كوڭىل بولە وتىرىپ، ەگەمەندىك دەكلاراتسياسى جاريالانعاننان كەيىن نەبارى 26 كۇننەن سوڭ مەملەكەتىمىزدە العاشقى كۇش-قۋات ورگانى رەتىندە ىشكى اسكەردى قۇرعان بولاتىن. مىنە، ءبىزدىڭ جاۋىنگەرلىك تاريحىمىزدا ءداپ سول 1992 جىلعى 10 قاڭتاردان باستاۋ الادى. سول كەزدەن باستاپ كەشەگى ىشكى اسكەر، بۇگىنگى ۇلتتىق ۇلاننىڭ جەكە قۇرامى العا قويىلعان تاپسىرمالاردى لايىقتى تۇردە ورىنداپ، جەكە ادام مەن ازاماتتىڭ كونستيتۋتسيالىق قۇقىعىن، قاۋىپسىزدىگىن، قوعام قۇندىلىقتارىن، مەملەكەت تۇراقتىلىعى مەن تىنىشتىعىن قاۋىپ-قاتەرلەردەن جان-جاقتىقورعاۋ جولىنداعى جاۋاپتى قىزمەتتى ابىرويمەن اتقارىپ كەلەدى. 2017 جىلعى 10 قاڭتاردا ۇلتتىق ۇلاننىڭ قۇرىلعانىنا 25 جىل تولدى.

الداعى ەلىمىزدىڭ ەلدىك مەرەكەسى – استانا كۇنىنە وراي ورايلاستىرىلىپ وتكىزىلگەن شاراعا  ۇلتتىق ۇلان باس قولباسشىسىنىڭ ورىنباسارى گەنەرال-مايور مۇحامەتقالي ساتوۆ، ءوزارا ءىس-قيمىل جاسايتىن ورگانداردىڭ، الماتى وبلىسى جامبىل اۋدانى اكىمشىلىگىنىڭ جەتەكشىلەرى، سونداي-اق ءدىن وكىلدەرى، ارداگەرلەر مەن وقۋشىلار قاۋىمى جانە ساربازداردىڭ تۋعان-تۋىستارى قاتىستى. اسكەري انتتى 460-تان اتتى جاس سارباز قابىلدادى.

جينالعان قاۋىم الدىندا قۇتتىقتاۋ ءسوز سويلەگەن گەنەرال-مايور مۇحامەتقالي ساتوۆ:

  • انت قابىلداۋ - وتانىڭا، حالقىڭا اقتىق دەمىڭ شىققانشا ادال

بولۋ، ەل باسىنا سىن ساعات تۇسسە، وندا مويىماي كوتەرۋ، قاجەت بولسا، جان قيۋ دەگەن ءسوز.

انت – ادالدىق رۋحى. حالقىمىز «انتتان اتتاعانى – اردان اتتاعانى»، - دەيدى. ياعني، ادامزات نورمالارىنىڭ قالىپتاسقان شەگى ار بولسا، ونى بۇزۋ وپاسىزدىققا جاتادى. تالاي عاسىر حالقىنىڭ ەركىندىگىن سىرتقى جاۋلاردان قورعاعان قابانباي، بوگەنباي، ناۋرىزباي سىندى باتىر بابالارىمىزدىڭ، كەشەگى ءفاشيزمنىڭ وتىن وشىرگەن مايدانگەر اتالارىمىزدىڭ اماناتتاعان وتانىمىزدىڭ تاۋەلسىزدىگىن قىراعى كۇزەتۋ - ەڭ ۇلىق قىزمەت. سوندىقتاندا بەرگەن انتتارىڭا ءاردايىم ادال بولىڭدار، - دەپ اتاپ ءوتتى.

قر ۇلتتىق ۇلانى «وڭتۇستىك» وڭىرلىك قولباسشىلىعىنىڭ ءباسپاسوز قىزمەتى

“The Qazaq Times”