ترامپقا نارازىلىق شەرۋى. فوتو: dailystormer.com.

امەريكا قۇراما شتاتتارىندا پرەزيدەنت ترامپتىڭ كوشى-قوندى شەكتەۋ تۋرالى جارلىعىنىڭ كۇشىنە ەنگىزىلگەنىنە نارازى توپ نيۋ-يورك پەن لوس-اندجەلەس قالالارىندا شەرۋگە شىقتى. ولار بۇل جارلىقتىڭ كۇشىنەن قالۋىن تالاپ ەتۋدە. بۇل تۋرالى “Washington Post” باسىلىمى حابارلاپ وتىر.

قاتىستى دەرەكتەردە ايتىلۋىنشا اقش-تىڭ اتالعان التى مۇسىلمان ەلىندەگى ەلشىلىكتەرى ۆيزا بەرۋدى شەكتەۋ شاراسى 90 كۇن ىشىندە جۇزەگە اسىرعالى وتىر.  ميگرانتتار قۇقىعى جونىندەگى بەلسەندىلەر، سونداي-اق ادۆوكاتتار اتالعان جارلىقتان كەيىن قۇقىقتىق تۇرعىدا قيىنشىلىققا ۇشىراعاندارعا قولداۋ كورسەتۋ ءۇشىن نيۋ-يوركتەگى جون گەننەدي اتىنداعى اۋەجايدىڭ ماڭىنا جينالدى. ولار نارازىلىق شاراسىندا ترامپتىڭ اتالمىش ەرەجە جارلىقتارىن ايىپتادى.

شەرۋگە شىققانداردىڭ سوزىنشە، ترامپتىڭ جارلىعى بارىپ تۇرعان ناسىلدىك كەمسىتۋشىلدىككە قۇرىلعان، اتالمىش امەريكا ۇستانىمىنا مۇلدە قايشى. اقش قۇندىلىقتارىنا سايكەس كەلمەيدى ءارى مەملەكەت قاۋىپسىزدىگىنە ەشقانداي پايداسى جوق ەكەن.

“The Qazaq Times”