پراگاداعى نارازىلىق شەرۋى. فوتو: BBC/EPA.

چەحيانىڭ پرەمەر-ءمينيسترى اندرەي بابيش ەۋروپالىق وداقتىڭ بولگەن قارجىسىن زاڭسىز جۇمسادى دەپ ايىپتالۋدا. سەيسەنبى كۇنى پراگانىڭ ورتالىق الاڭىنا 100 مىڭنان استام ادام جينالىپ، پرەمەر-ءمينيسترى اندرەي ءبابيشتىڭ وتستاۆكاسىن تالاپ ەتتى.

ەو-دان بولىنگەن سۋبسيديالارعا بايلانىستى قىلمىستىق ءىس قوزعاۋ تۋرالى تالاپتار ءساۋىر ايىندا باستالعان بولاتىن. بىراق، پرەمەر-مينيستر اندرەي بابيشكە  وزىنە تاعىلعان ايىپتى جوققا شىعارۋدا. بابيشكە قارسى نارازىلىقتارعا قاراماستان، ول باسقارعان پارتيا ەۋروپارلامەنتكە سايلاۋدا 21,2 پايىزبەن العا شىقتى.

وتكەن جۇمادا ەۋروكوميسسيانىڭ چەحيا پرەمەرىنە قاتىستى مالىمدەمەسىنىڭ تولىق اياقتالماعان نۇسقاسى اقپارات قۇرالدارىنا تاراپ كەتتى. اتالعان مالىمدەمەگە سايكەس، بابيش ەو-دان بولىنگەن قاراجاتتان شامامەن 17,5 ميلليون ەۆرونى كەرى قايتارۋى كەرەك بولعان. بۇل مالىمەت اۋقىمدى نارازىلىق اكتسياسىنا سەبەپ بولدى.

نارازىلىق شاراسىن ۇيىمداستىرۋشىلار شاراعا 120 مىڭنان استام ادام قاتىسقانىن ايتقان. ايتىلعان مالىمەت راستالاتىن بولسا، وندا بۇل ەلدەگى 1989 جىلعى «بارقىت رەۆوليۋتسياسىنان» كەيىنگى ەڭ اۋقىمدى شەرۋ بولماق.

“The Qazaq Times”