سەنات دەپۋتاتتارىنىڭ ءتىزىمى جاريالاندى

2017 جىلعى 29 ماۋسىمدا قازاقستان رەسپۋبليكاسى ورتالىق سايلاۋ كوميسسياسى وتىرىس بارىسىندا 2017 جىلعى 28 ماۋسىمدا بولعان قر پارلامەنتى سەناتىنىڭ دەپۋتاتتارىن سايلاۋ قورىتىندىلارىن انىقتادى، دەپ حابارلايدى ورتالىقتىڭ ءباسپاسوز قىزمەتى. 

ءار وبلىستان، استانا جانە الماتى قالالارىنان ءبىر دەپۋتاتتان بارلىعى 16 دەپۋتات سايلاندى.

"سايلاۋ ناۋقانى بارىسىندا بارلىعى 89 ۇمىتكەر ۇسىنىلدى. 38 كانديدات سايلاۋ بيۋللەتەندەرىنە ەنگىزىلدى.  سايلاۋعا 3242 تاڭداۋشى قاتىستى", - دەلىنگەن حابارلامادا.

قر پارلامەنتى سەناتىنىڭ دەپۋتاتتارىن سايلاۋ بارىسىندا 518 حالىقارالىق جانە وتاندىق بايقاۋشى، 244 قازاقستاندىق جانە شەتەلدىك باق وكىلى قاتىستى.

سايلانعان دەپۋتتاردىڭ 7-ن ءماسليحاتتار ۇسىنسا، 9 ءوزىن-ءوزى ۇسىنعاندار. قر پارلامەنتى سەناتىنىڭ دەپۋتاتتىعىنا كانديداتتاردىڭ ورتاشا جاسى –56,7 جاس.

قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ قورىتىندىسى بويىنشا سايلانعاندار:

اقمولا وبلىسىنان - ادىلبەكوۆ داۋرەن زەكەنۇلى;

اقتوبە وبلىسىنان - جۇماعازيەۆ مۇحتار سابىرۇلى;

الماتى وبلىسىنان - قىلىشباەۆ نۇرلان ناۋرىزۇلى;

اتىراۋ وبلىسىنان - دۇيسەمباەۆ عۇمار يسليامۇلى;

باتىس قازاقستان وبلىسىنان - تورەعاليەۆ ناريمان;

جامبىل وبلىسىنان - نۇراليەۆ ءابدالى توقبەرگەنۇلى;

قاراعاندى وبلىسىنان - ابدىكەروۆ رىسقالي;

قوستاناي وبلىسىنان - نۇرعاليەۆ جەڭىس ميراسۇلى;

قىزىلوردا وبلىسىنان - باقتيارۇلى مۇرات;

ماڭعىستاۋ وبلىسىنان - شەلپەكوۆ باقتىباي اقبەردىۇلى;

وڭتۇستىك قازاقستان وبلىسىنان - قۇرتاەۆ ءالىمجان سەيىتجانۇلى;

پاۆلودار وبلىسىنان - نۇرسيپاتوۆ نۇرجان نۇرلانبەكۇلى;

سولتۇستىك قازاقستان وبلىسىنان - سۇلتانوۆ ەرىك حامزاۇلى;

شىعىس قازاقستان وبلىسىنان - مۋسين دۇيسەنعازى ماعاۋياۇلى;

استانا قالاسىنان - مامىتبەكوۆ ەدىل قۇلامقادىرۇلى;

الماتى قالاسىنان - نۇكەتاەۆا دينار جۇسىپالىقىزى.

“The Qazaq Times”