ماكرون جانە ترامپ. فوتو: Daily Express.

فرانتسيا پرەزيدەنتى ەممانۋەل ماكرون اقش پرەزيدەنتى دونالد ترامپقا تەلەفون سوعىپ، ءسۇريا تاقىرىبىندا كەڭەستى دەپ حابارلايدى «تۇرىك تەلە-راديو» قىزمەتىنىڭ رەسمي سايتى. ولار ءبىر اۋىزدان، ەگەر باشار اساد بيلىگى حيميالىق قارۋ قولدانسا وندا بۇل رەجيمگە بىرلەسە قارسى تۇراتىندارىن ايتقان.

اقش قورعانىس مينيسترلىگىنىڭ ەكى كۇن بۇرىن جاساعان مالىمدەمەسىندە ءسۇريا رەجيمىنە تيەسىلى شايرات اۋە بازاسىندا جاڭا ءارى اۋقىمدى حيميالىق شابۋىلعا دايىندالىپ جاتقانى تۋرالى انىقتاعاندارىن ايتتى. بۇل اۋە بازاسى 6 ساۋىردە اقش اسكەري كۇشتەرى زىمىران شابۋىلىن جاساعان بازا بولىپ تابىلادى.

فرانتسيا پرەزيدەنتى ماكرون تەلەفوندا ترامپپەن ءسۇريا تاقىرىبىندا اڭگىمەسى جارتى ساعاتقا سوزىلعان. تاراپتار حيميالىق شابۋىلداردى بولدىرماۋ، بولعان جاعدايدا ءسۇريا بيلىگىنە كۇشتى قىسىم جاساۋ تۋرالى پىكىر بىرلىگىنە كەلىپ وتىر. بۇل الاداعى ءسۇريا جاعدايىن قايتالاي شيەلەنىسكە الىپ كەلۋى مۇمكىن.

“The Qazaq Times”