فوتو: akorda.kz

قر پرەزيدەنتى نۇرسۇلتان نازارباەۆ "سامۇرىق-قازىنا" اكتسيونەرلىك قوعامى باسقارماسىنىڭ توراعاسى ومىرزاق شوكەەۆتى قابىلدادى، دەپ حابارلايدى اقوردانىڭ ءباسپاسوز قىزمەتى.

پرەزيدەنت ەل ەكونوميكاسىندا قوردىڭ ماڭىزدى ءرول اتقاراتىنىن اتاپ ءوتىپ، ونى ءارى قاراي دامىتۋدىڭ جەكەلەگەن باعىتتارىنا توقتالدى.

ءو.شوكەەۆ مەملەكەت باسشىسىنا بيىلعى 7 ايدا اتقارىلعان جۇمىستاردىڭ قورىتىندىسى، سونداي-اق قوردى جانە ونىڭ ەنشىلەس كاسىپورىندارىن ترانسفورماتسيالاۋ بارىسى تۋرالى باياندادى.

"قوردىڭ وندىرىستىك جانە باعا كورسەتكىشتەرى بىلتىرمەن سالىستىرعاندا الدەقايدا جوعارى. جالپى، قوردىڭ جاعدايى تۇراقتى. قازىر ەنشىلەس كومپانيالاردا ترانسفورماتسيالاۋدىڭ 130-عا جۋىق جوباسى ەنگىزىلۋدە. جەكەشەلەندىرۋگە قاتىستى ايتار بولساق، جوسپارلانعان 2015 نىساننىڭ 60%-ى جەكەشەلەندىرىلدى. بۇگىندە ءىرى كومپانيالاردى ساتۋعا كىرىستىك، – دەدى "سامۇرىق-قازىنا" توراعاسى.

سونداي-اق، ءو.شوكەەۆ حالىقارالىق IFSWF-2017 تاۋەلسىز ءال-اۋقات قورلارى فورۋمىن وتكىزۋگە دايىندىق بارىسى جونىندە ايتتى. وندا الەمدىك ەكونوميكا جاعدايىنداعى ينۆەستيتسيالىق ساياسات ماسەلەلەرىن تالقىلاۋ جوسپارلانۋدا.

ايتا كەتەيىك، قازاقستاننىڭ سىرتقى قارىزى سوڭعى مالىمەت بويىنشا 165 ملرد دوللار شاماسىندا. ال بۇل قارىزدىڭ ەڭ كوپ بولىگى ۇلتتىق كومپانيالار مەن حولدينگتەرگە تيەسىلى. پرەزيدەنت ۇلتتىق كومپانيالار ەكونوميكا ءۇشىن ماڭىزدى دەگەن كۇننىڭ وزىندە، ەكونوميستەر بۇلاي دەپ ەسەپتەمەيدى. ولار "كۆازيمەملەكەتتىك سەكتورلاردىڭ قارىزى ەكونوميكاداعى ەڭ ۇلكەن قاۋىپ" دەگەندى ايتادى.

“The Qazaq Times”