زەينەتاقى قورى زەينەتاقى قارجىسىنىڭ قايدا جۇمسالعانى تۋرالى ەسەپ بەرەدى

قر ۇلتتىق بانكىنىڭ زەينەتاقى اكتيۆتەرىن سەنىمگەرلىك باسقارۋ جونىندەگى قىزمەتى بارىنشا اشىق بولىپ وتىر، دەپ حابارلايدى رەتەۋشىنىڭ ءباسپاسوز قىزمەتى.

«بجزق زەينەتاقى اكتيۆتەرىن سەنىمگەرلىك باسقارۋ جونىندەگى قىزمەتتىڭ ايقىندىلىعىن ارتتىرۋ شەڭبەرىندە قر ۇلتتىق بانكى جاريالاناتىن ەسەپتىڭ فورماتىن بارىنشا اشىق جانە جان-جاقتى بولۋىنا قاراي قايتا قارادى. ينۆەستيتسيالىق باسقارۋ جونىندەگى اي سايىنعى ەسەپتىڭ زەينەتاقى اكتيۆتەرىمەن جاسالعان مامىلەلەردىڭ كۇنى مەن ولشەمدەرى تۋرالى مالىمەتتەر بولىگىنە تولىقتىرۋلار ەنگىزىلدى»، – دەپ حابارلادى ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى اليا مولدابەكوۆا.

ونىڭ سوزىنشە، ينۆەستيتسيالار بويىنشا ناقتى جاعدايلاردى كورسەتە وتىرىپ قارجى قۇرالدارىن ساتىپ الۋدى، ساتۋ مەن وتەۋدى قوسا العاندا، زەينەتاقى اكتيۆتەرىمەن مامىلەلەر بويىنشا جان-جاقتى اقپارات قوسىلعان.

سونىمەن سالىمشىلار بجزق پورتفەلىنىڭ قۇرىلىمىمەن جانە زەينەتاقى اكتيۆتەرىن ينۆەستيتسيالىق باسقارۋ بويىنشا اقپاراتپەن بجزق سايتىندا تانىسۋعا بولادى، ولار اي سايىن جاريالانادى.

 “The Qazaq Times”