فوتو: dknews.kz

قازاقستان سۇرياعا اسكەر جىبەرۋگە بايلانىستى ەشكىممەن، ەشقانداي كەلىسسوز جۇرگىزىپ جاتقان جوق.

«قازاقستان سۇرياعا اسكەر جىبەرۋگە بايلانىستى ەشكىممەن، ەشقانداي كەلىسسوز جۇرگىزىپ جاتقان جوق. ءبىزدىڭ ەل ءۇشىن الەمنىڭ كەز كەلگەن ەلىنە ءوز اسكەريلەرىن جىبەرۋ ءۇشىن بۇۇ-نىڭ ءتيىستى قارارى (رەزوليۋتسياسى) قاجەت. قازاقستان ءسۇريا داعدارىسىن شەشۋگە بايلانىستى استانادا وسى ماسەلەگە قاتىسى بار بارلىق تاراپتارعا مىنبەر ۇسىنىپ وتىر. بۇل قازاقستاننىڭ ءسۇريا داعدارىسىن شەشۋگە قوسقان ۇلەسى. ال سۇرياداعى قاۋىپسىز ايماقتاردىڭ قاۋىپسىزدىگىن قامتاماسىز ەتۋگە بايلانىستى ماسەلەلەر شىلدەنىڭ 4-5 ارالىعىندا استانادا وتەتىن كەزەكتى ءسۇريا كەلىسسوزىندە تالقىلاناتىن بولادى.» - دەدى قر سىرتقى ىستەر ءمينيسترى قايرات ابدراحمانوۆ جۋرناليستەر الدىندا سويلەگەن سوزىندە.

ەستەرىڭىزگە سالايىق كەشە رەسەي مەملەكەتتىك دۋماسىنىڭ قاۋىپسىزدىك كوميتەتى باسشىسى ۆلاديمير شامانوۆ «رەسەي قازاقستان جانە قىرعىزستانمەن سۇرياعا اسكەر جىبەرۋگە بايلانىستى كەلىسسوز جۇرگىزىپ جاتىر» دەپ مالىمدەگەن بولاتىن. بۇل قازاق قوعامىندا قىزۋ تالقىعا ءتۇسىپ، كوپشىلىگى وزدەرىنىڭ قارسىلىقتارىن بىلدىرگەن ەدى.

 “The Qazaq Times”