فوتو: temirzholy.kz

«قازاقستان تەمىر جولى» ۇك» اق جانە قىتاي تەمىر جولى اراسىنداعى ۋاعدالاستىققا سايكەس، «ەكسپو-2017» حالىقارالىق كورمەسى كەزىندە التىنكول (قر) – قورعاس (قحر) شەكارا بەكەتتەرى ارقىلى «استانا-الماتى-ءۇرىمشى» باعىتى بويىنشا تەمىر جول بايلانىسى ۇيىمداستىرىلدى، دەپ حابارلايدى كومپانيانىڭ ءباسپاسوز قىزمەتى. 

التىنكول - رەلستەرىنىڭ ەنى ءارتۇرلى ەكى ەلدى بايلانىستىرىپ جاتقان ءىرى ستانتسيا.

«وسى جەردە ەكى پويىز پارالەل جولدارعا قاتار تۇرىپ ءبىر بىرىندەگى جولاۋشىلارمەن الماسادى. ياعني، ءبىزدىڭ جولاۋشىلار قىتايلىق پويىزعا وتىرىپ، ونداعى تۋريستەر ءبىزدىڭ پويىزعا اۋىسىپ مىنەدى. ءدال سول كەزدە جولاۋشىلار شەكارا مەن كەدەن تەكسەرۋىنەن دە ءوتىپ ۇلگەرەدى. بۇل ۋاقىتتى ۇنەمدەيتىن ەڭ وڭتايلى ءتاسىل،-دەيدى پويىز باستىعى ەلۆيرا تاشتىروۆا.

پويىز 31 وتاندىق «تۇلپار-تالگو» ۆاگوندارىنانان قۇرالعان جانە كۇن سايىن قاتىنايدى.

“The Qazaq Times”