فوتو: ليگا زاكون

الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ماقسۇت يساحوۆ  مەگاپوليستىڭ تۇرعىن  ۇيلەر اۋلالارىندا اقىلى  كولىك تۇراقتارىنىڭ بولۋى مۇمكىن دەگەن ءسوزدىڭ جالعان ەكەنىن ايتتى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

«الماتى قالاسى اكىمدىگىندە بۇل تۋرالى شەشىم قارالعان جوق، سوندىقتان تۇرعىن  ۇيلەر اۋلالارىندا اقىلى  كولىك تۇراقتارىنىڭ بومايتىنىن بارشا جاۋاپكەرشىلىكپەن ايتامىن. اۋلا ايماقتارىندا كولىكتەر  پروبلەماسىن شەشۋ ءۇشىن ءبىز اباتتاندىرۋ ەرەجەسىنە وزگەرىستەر ەنگىزۋدى قاراستىرىپ جاتىرمىز، ياعني تۇرعىنداردىڭ  جالپى  شەشىمى بويىنشا پيك-تەر ارقىلى شلاگباۋمدار ورناتىلۋى مۇمكىن»، - دەدى م.يساحوۆ.

ول شلاگباۋم قويىلعان كەزدە ارنايى كولىكتەر- ءورت ءسوندىرۋشى، جەدەل جاردەم تەحنيكالارى  اۋلاعا  ەش كەدەرگىسىز كىرە الاتىنىن جاريا ەتتى. الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بيىلعى جىلدىڭ ەكىنشى توقسانىندا جاڭا ەرەجە جاساۋ جوسپارلانعانىن حاباردار ەتتى.

“The Qazaq Times”