قازاقستاندىق وتباسىلار ەڭ كوپ قاراجاتتى تاماققا جۇمسايدى. 2017 جىلدىڭ 1 توقسانى بويىنشا جالپى تۇتىنۋشىلىق شىعىنداردىڭ ىشىندە قازاقستاندىقتاردىڭ ازىق-تۇلىككە جۇمساعان قارجى ۇلەسى 45,9%-دى قۇرادى. ال وتكەن جىلدىڭ 1 توقسانىندا بۇل كورستەكىش 44,4% بولعان.
Ranking.kz اگەنتتىگىنىڭ مالىمەتىنشە، بۇل سوڭعى بەس جىلداعى ەڭ جوعارعى كورسەتكىش. مىسالى 2012-2014 جىلدارى ازىق-تۇلىككە كەتكەن شىعىندار 41,8%-عا قىسقارعان. الايدا 2015 جىلى تاماققا جۇمسالعان شىعىن 43,5%-عا وسكەن.
دەگەنمەن باعانىڭ جوعارىلاۋىنا بايلانىستى شىعىن ۇلعايعانمەن، تۇتىنۋ كولەمى ازايىپ وتىر.
قازاقستاندىقتار ەڭ كوپ قارجىنى ەت جانە ەت ونىمدەرىن ساتىپ الۋعا جۇمسايدى ەكەن. مىسالى 2016 جىلدىڭ ءتورت ايىندا تۇتىنىۋشىلىق بيۋدجەتتىڭ 14,6%-ى وسى تاعامدى ساتىپ الۋعا جۇمسالسا، بيىل بۇل كورسەتكىش 15,3%-عا وسكەن. ياعني وسى جىلعى ءتورت ايدا ءاربىر قازاقستاندىق 18,2 كگ ەت جەگەن.
بۇدان بولەك نانعا جانە جارما ونىمدەرىنە تۇتىنۋشىلىق شىعىن 7,4%-دى قۇرادى. نان جانە جارما ونىمدەرىن تۇتىنۋ ءبىر جىلدا 0,7%-عا وسكەن.
سونداي-اق، قازاقستاندا كوكونىستەر باعاسى بىرنەشە ەسەگە قىمباتتاعاندىقتان وعان كەتەتىن شىعىن دا ۇلعايعان. 2017 جىلدىڭ العاشقى ءتورت ايىندا كوكونىس ساتىپ الۋعا كەتكەن قارجى 3,4% بولسا، وتكەن جىلى بۇل كورسەتكىش 3,1% بولعان.
مىسالى وسى جىلى قازاقستاندىقتار كارتوپ ساتىپ الۋدى ازايتقان. جان باسىنا شاققاندا ءتورت ايدا ءاربىر قازاقستاندىق 8,1 كگ كارتوپ تۇتىنعان. تاتتىلەردى دە از تۇتىنا باستاعان. سونداي-اق، جاعدايى جوعارى حالىقتىڭ 10% نان جانە جارما ونىمدەرىن 5%-عا، ەت جانە ەت ونىمدەرىن 4,7%-عا ارتىق تۇتىنعان.
جالپى العاندا باي جانە كەدەي قازاقستاندىقتاردىڭ اراسىندا ازىق-تۇلىكتى تۇتىنۋعا كەتكەن شىعىندار ايىرماشىلىعى جەر مەن كوكتەي.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى