قازاقستان ورگانيكالىق ءونىم وندىرۋدە الەم كوشباسشىسى بولۋعا مۇمكىندىگى بار

جەردى حيميالاندىرۋدىڭ تاريحي تومەنگى كورسەتكىشى جانە ەلىمىزدىڭ تابيعي-كليماتتىق جاعدايىن ەسكەرە وتىرىپ، ورگانيكالىق ءونىمدى وندىرۋگە اۋىسۋ –  قازاقستاندى الەمدىك نارىقتا كوشباسشىلىق ورىنعا شىعارا الادى.  بۇل سەگمەنتتە اۋىل شارۋاشىلىعىنىڭ سالالىق پوتەنتسيالىنان الىپ قاراعاندا دا بىزگە وڭدى جاقتارىن كورە الامىز.

ەلباسى ءوزىنىڭ «قازاقساتاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا، ەلىمىزدىڭ اگروونەركاسىپ كەشەنى الدىندا بىرقاتار تاپسىرمالار قويدى. ونىڭ ىشىندە اگرارلىق ەكسپورتتىق ءونىم ءوندىرۋ، اسىرەسە، ەكولوگيالىق تازا ازىق-تۇلىك ءوندىرۋ بويىنشا الەمدەگى ەڭ ءىرى ءوندىرۋشى ەل بولۋ كەرەكتىگىن باسا ايتتى.

اۋىل شارۋاشىلىعى مينيسترلىگىندە سالالىق اسسوتسياتسيالار مەن وداقتار جانە اۋىل شارۋاشىلىعى وندىرۋشىلەرى، عالىمدار، حالىقارالىق كەڭەسشىلەر كىرەتىن ارنايى جۇمىس توبى قۇرىلدى. قازىرگى كۇنى ورگانيكالىق ءونىم ءوندىرۋدى دامىتۋدىڭ كەشەندى جوسپارى زەرتتەلۋدە.

جوسپار وندىرىستەگى مەملەكەتتىك ىنتالاندىرۋ شاراسىن، ينفراقۇرىلىم مەن ۇلتتىق سەرتيفيكاتسيا جۇيەسىن جانە ورگانيكالىق ءونىم ءوندىرۋدى راستاۋدى، عىلىمي، كادرلىق، اقپاراتتىق سۇيەمەلدەۋدى ەنگىزەتىن بولادى.

بۇگىننىڭ وزىندە ورگانيكالىق ءونىم 300 مىڭ گەكتاردان ارتىق القاپتا وندىرىلەدى. نەگىزىنەن ءداندى-داقىل، ءزايتۇن، بۇرشاق، جەمشوپتىك داقىل جانە دارىلىك شوپتەر وندىرىلەدى.

بۇگىنگى كۇنى، قىتاي جانە پارسى شىعاناعى ەلدەرى نارىقتا ورگانيكالىق ءونىم ءوندىرۋ بويىنشا الدىڭعى قاتاردا.

“The Qazaq Times”