كولىك جۇرگىزۋشىلەر بەنزين باعاسىنىڭ بىردەن كوتەرىلىپ كەتۋىنە بايلانىستى سۇرانىستى ازايتىپ جاتىر. مۇنىڭ سەبەبى - وتكەن جىلى اي-92 ماركالى بەنزيننىڭ باعاسى 13%-عا نەمەسە 15 تەڭگەگە قىمباتتاعان. مۇنداي مالىمەتتى finprom.kz اگەنتتىگى كەلتىرىپ وتىر
تۇتىنۋشىلار باعا بۇلاي شارىقتاپ كەتكەن سوڭ، وتىننىڭ ارزان ءتۇرى گازعا اۋىسا باستادى. 2016 جىلى گاز وتىنىنىڭ ساتىلىمى 43%-عا ارتقان جانە 457,8 مىڭ توننا گاز ساتىلعان. ساتىلىمنان تۇسكەن قارجى ەكى ەسەگە كوبەيىپ، 28,9 ملرد تەڭگەنى قۇرادى.
اۆتوبەكەتتەردەگى گاز ساتىلىمى 2015 جىلى ۇكىمەت بەنزين مەن ديزەل وتىنىنىڭ باعاسىن مەملەكەتتىك رەتتەۋدەن باس تارتقاننان كەيىن كوبەيە باستادى.
ايتا كەتەيىك، 2015 جىلدىڭ قىركۇيەك ايىندا قر ۇكىمەت جانارماي تاپشىلىعىن جويۋ ماقساتىندا اي-92/93 ماركالى بەنزيننىڭ باعاسىن مەملەكەتتىك رەتەۋدەن باس تارتۋ تۋرالى شەشىم قابىلداعان. ال ءبىر جىلدان كەيىن، تامىز ايىندا ديزەل وتىنىنىڭ باعاسى مەملەكەت تاراپىنان رەتتەلمەيتىن بولدى.
ەنەرگەتيكا مينيسترلىگىنىڭ وكىلدەرى مۇنى "رەسەي مەن قىرعىزستانعا تاسىمالداناتىن ديزەل وتىنىنىڭ كوبەيۋى سالدارىنان قازاقستان ديزەل وتىنىنىڭ باعاسىن مەملەكەتتىك رەتتەۋدەن باس تارتتى" دەپ تۇسىندىرگەن.
وسى سەبەپتەرگە بايلانىستى 2015 جىلى گاز ساتىلىمى بىردەن 2 ەسەگە ارتىپ، 156,6 مىڭ توننادان 319,3 مىڭ تونناعا بىراق جەتتى. ال بەنزيننىڭ ساتىلىمى بولشەك نارىقتا 5%-عا تومەندەپ، 3,6 ملن توننانى قۇرادى. الايدا باعانىڭ كوتەرىلۋىنە بايلانىستى ساتىلىم قۇنى 9%-عا ارتىپ، 515,1 ملرد تەڭگەنى قۇرادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى