پۋتين جانارماي باعاسىنىڭ وسۋىنە نارازى جۇرتقا تىكەلەي ەفيردە جاۋاپ بەرۋگە ءماجبۇر بولدى

رەسەيدە ناۋرىز ايىنداعى سايلاۋدان بۇرىن باعالار تۇراقتى كۇيدە تۇرعان. سايلاۋ وتە سالىپ رەسەيدىڭ 75 وبلىسىندا بەنزين باعاسى وسە باستادى. مامىر ايىنا جەتكەندە باعانىڭ ءوسۋى 5,6 پايىزعا دەيىن جەتتى. سوڭعى ءبىر اپتادا رەسەيدىڭ وننان استام قالاسىندا جانارمايدىڭ قىمباتتاۋىنا قارسى نارازىلىق شەرۋلەرى وتۋدە.

ال، كەشە رف پرەزيدەنتى ۆلاديمير پۋتين بۇل ماسەلەلەرگە بايلانىستى تىكەلەي ەفيردە جاۋاپ بەرۋگە ءماجبۇر بولدى. الايدا تىكەلەي ەفيردە جاۋاپ بەرۋ كەزىندە باعانىڭ وسۋىنە قارسى ەرەۋىلدەر تۋرالى ءسوز بولعان جوق. پرەزيدەنت پۋتين ەل ازاماتتارىنىڭ «جانارمايدىڭ ءبىر ءليترى 45 رۋبل بولدى، قاشانعا دەيىن شىدايمىز؟» دەگەن سۇراعىنا: «بۇل ەنەرگەتيكا رەسۋرستارىنىڭ دۇرىس باسقارىلماۋىنان كەلىپ شىقتى. الەمدە مۇناي باعاسى ءوستى. شيكى مۇنايدى ەكسپورتتاۋ پايدالى بولىپ قالدى. سوندىقتان باعا ءوسىپ جاتىر»، – دەپ جاۋاپ بەردى.

رەسەي پرەزيدەنتى ازاماتتاردىڭ بۇل سۇراعىنا جاۋاپ بەرۋ ءۇشىن تىكەلەي ەفيرگە ەنەرگەتيكا ءمينيسترى الەكساندر نوۆاكتى دا شاقىردى. ول باعالاردىڭ ءوسۋى توقتاعانىن جانە ەكسپورت كولەمىن تەجەپ، باعانى تۇراقتاندىرۋ ءۇشىن ەكسپورتقا دەگەن مەملەكەتتىك سالىقتى جوعارلاتۋ ۇسىنىسىن ورتاعا قويدى. ال پرەزيدەنت پۋتين بۇنداي زاڭ جوباسىن ازىرلەۋگە قول قويعانىن ايتتى.

“The Qazaq Times”