قر ۇكىمەتى "نۇرلى جەر" باعدارلاماسى اياسىندا جەكە تۇرعىن ءۇي قۇرىلىسى مەن پاتەر ساتىپ الۋ بويىنشا العاشقى جارنا مولشەرىن تومەندەتۋدى جوسپارلاپ وتىرعان جوق. بۇل تۋرالى قر ينۆەستيتسيالار جانە دامۋ ءمينيسترى جەڭىس قاسىمبەك حالىققا ەسەپ بەرۋ كەزىندە مالىمدەدى.
ونىڭ سوزىنشە، 30% دەڭگەيىندەگى جارنا مولشەرى كرەديت تولەۋ كەزىندە ازاماتتارعا قيىندىق تۋماس ءۇشىن ءتيىمدى.
«ۇكىمەت "نۇرلى جەر" باعدارلاماسىن جاساعان كەزدە بۇل ماسەلەنى بارىنشا قارادى. مىسالى بۇرىن "تۇرعىن ءۇي قۇرىلىس جيناق بانكىنەن" كرەديت العان كەزدە العاشقى جارنا مولشەرى 50% بولعان. ال كەيىن "بايتەرەك" حولدينگىمەن بولعان تالقىلاۋلاردان كەيىن مولشەرى 30%-عا دەيىن ءتۇستى»، - دەدى قاسىمبەك.
ءمينيستردىڭ ايتۋىنشا، قازىرگى كەزدە ازاماتتار تاراپىنان "جارنا 15%-عا تۇسەم مە؟" دەگەن سۇراقتار كەلىپ جاتقان كورىنەدى.
«15% جاساۋعا بولادى، الايدا مۇنداي جاعدايدا اي سايىنعى تولەم مولشەرى جوعارىلاپ كەتەدى جانە تۇقجب سالىمشىلارى بۇل اۋىرتپالىقتى كوتەرە الماۋى مۇمكىن. سوندىقتان ءبىز 30%-عا توقتادىق. بۇل دۇرىس، وبەكتيۆتى تسيفر دەپ ويلايمىز. قازاقستانداعى ورتاشا جالاقىنى ەسەپكە الساق، قيىندىقتاردى جەڭىلدەتۋگە مۇمكىندىك بەرەدى", - دەدى ول.
ايتا كەتەيىك، «نۇرلى جەر» باعدارلاماسى بويىنشا 15 جىلدا 1,5 ميلليونعا جۋىق قولجەتىمدى تۇرعىن ءۇي سالۋ جوسپارلانعان. باعدارلامانىڭ نەگىزگى ماقساتى - حالىققا تۇرعىن ءۇيدىڭ قولجەتىمدىلىگىن ودان ءارى ارتتىرۋدى قامتاماسىز ەتەتىن تۇرعىن ءۇي قۇرىلىسىن دامىتۋ ماسەلەلەرىن كەشەندى شەشۋ. دەگەنمەن ەكونوميستەردىڭ پىكىرىنە سەنسەك، مەملەكەت جالپى ىشكى ونىمگە ارقا سۇيەپ، تۇرعىن ءۇي نارىعىنا بارىنشا ارالاسىپ وتىر. ال بۇل شىن مانىندە ءساتسىز قادام.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى