اقش ءبىر جىلدان كەيىن اياقتالاتىن پاريج كليمات كەلىسىمىنەن شىعۋدىڭ رەسمي پروتسەسىن باستادى. بۇل تۋرالى مەملەكەتتىك حاتشى مايكل پومپەو مالىمدەدى.

«امەريكا قۇراما شتاتتارى بۇگىن پاريج كەلىسىمىنەن شىعۋ پروتسەسىن باستادى. كەلىسىمنىڭ شارتتارىنا سايكەس، ۋاشينگتون بۇۇ-عا شىعۋ تۋرالى رەسمي حابارلاما جىبەردى. اقش پرەزيدەنتى دونالد ترامپ 2017 جىلدىڭ 1 ماۋسىمىندا كەلىسىمشارتتان شىعۋ تۋرالى شەشىم قابىلدادى، ويتكەنى ول امەريكالىق جۇمىسشىلارعا، بيزنەسكە جانە سالىق تولەۋشىلەرگە ءمولدىر ەمەس ەكونوميكالىق مىندەتتەمەلەر جۇكتەدى»، — دەلىنگەن مالىمدەمەدە.

پومپەو اتاپ وتكەندەي، اقش عالامدىق ەنەرگيانى ەسەپكە الۋدى جانە بارلىق ەنەرگەتيكالىق رەسۋرستاردى، ءتيىمدى تەحنولوگيالاردى، مينەرالدى رەسۋرستاردى، اتوم ەنەرگياسىن جانە جاڭارتىلاتىن ەنەرگيانى پايدالانۋدى ءتيىمدى جۇزەگە اسىرىپ كەلەدى. «حالىقارالىق پىكىرتالاستار اياسىندا ءبىز ناقتى ناتيجەلەرگە، يننوۆاتسيالارعا جانە وركەندەۋ ءۇشىن اشىق نارىقتاردىڭ كوشباسشىلىعىنا نەگىزدەلگەن ناقتى جانە پراگماتيكالىق مودەلدى ۇسىنامىز»، — دەدى مەملەكەتتىك حاتشى.

پاريج كەلىسىمى 2015 جىلعى 12 جەلتوقساندا كليماتتىڭ وزگەرۋى تۋرالى نەگىزدەمەلىك كونۆەنتسيادان كەيىن قابىلداندى. كەلىسىم، اتاپ ايتقاندا، پارنيكتىك گاز زيانىن ازايتۋدى كوزدەيدى.

"The Qazaq Times"