سالىق تولەمەيتىن بايلار دا بار

الەمدە تازا تابىسى 40 ملن دوللاردان كەم ەمەس بايلاردىڭ سانى جالپى حالىقتىڭ 0,01%-ىن قۇرايدى. ال ولار ورتاشا ەسەپپەن وزدەرى تولەۋى ءتيىس سالىقتى 30%-عا از تولەيدى ەكەن. مۇنداي مالىمەتتەر "پاناما قۇجاتتارى" نەگىزىندە جاسالعان جانە شۆەيتسارياداعى  HSBC  كليەنتتەرى تۋرالى اقپارات جيناعان عالىمداردىڭ زەرتتەۋ جۇمىستارىندا كەلتىرىلگەن. 

بۇل ماتەريالدى دايىنداۋ كەزىندە ەكونوميستەر دانيا، شۆەتسيا جانە نورۆەگيا سياقتى ەلدەردىڭ ازاماتتارىنىڭ الەۋمەتتىك جاعدايىن ەسەپكە العان. سەبەبى بۇل ەلدەردە ناقتى اقپاراتتاردى تابۋعا بولادى. دەگەنمەن ولاردىڭ سوزىنشە، سالىقتى 30%-دان دا از تولەيتىن بايلار سانى باسقا ەلدەردە مۇلدە كوپ بولۋى مۇمكىن.

«مۇنداي تۇجىرىمع كەلۋىمىزدىڭ سەبەبى ولاردىڭ اكتيۆتەرىنىڭ كولەمى الەۋمەتتىك جاعدايىمەن قوسا ارتىپ جاتىر»، - دەلىنگەن اننەتتە الستادسەتەر (نورۆەگيا), نيلسا يوحاننەسەن(دانيا) جانە گەبريەلا تسۋكماننىڭ  (اقش) تax Evasion and Inequality اتتى زەرتەۋىندە.

ولاردىڭ ەسەبىنشە، نورۆەگياداعى بايلاردىڭ 40%-ى قارجىلارىنىڭ شامامەن 50%-ىن سىرتقا جاسىرعان.

«لاتىن امەريكاسى، ازيا ەلدەرىنىڭ كوبىندە جانە ەۋروپادا بايلار قارجىسىنىڭ كوپ مولشەرىنە سىرتتا يەلىك ەتەدى. ولاردىڭ سانى ءبىز ويلاعاننان دا كوپ بولۋى مۇمكىن", - دەيدى ەكونوميستەر.

“The Qazaq Times”