فوتو: prokuror.gov.kz

قازاقستاندا بوس جاتقان جەرلەر جايىنداعى اقپاراتتى اشىق ۇستاۋ كەرەك دەدى قر باس پروكۋرورىنىڭ ورىنباسارى اندرەي كراۆچەنكو ماجىلىستە وتكەن دوڭگەلەك ۇستەلدە. 

بۇگىن ماجىلىستە وتكەن "اقپاراتتىڭ اشىقتىعى" جايىنداعى دوڭگەلەك ۇستەلدە اندرەي كراۆچەنكو«ءبىز جاقىندا حالىققا بوس جاتقان جەرلەر جايىنداعى اقپارات قانشالىقتى قول جەتىمدى ەكەندىگىن تەكسەرىپ كورگەن ەدىك. تەكسەرۋ بارىسىندا «ازاماتتارعا ارنالعان ۇكىمەت» رەسمي ينتەرنەت-رەسۋرسىن قاراپ شىقتىق. وندا بوس جاتقان جەرلەر جونىندە ەشقانداي اقپارات جوق. تەك قالالاردىڭ، اۋدانداردىڭ جەر كاداسترلىك سحەمالارى عانا كورسەتىلگەن. بوس جاتقان جەرلەر جايىنداعى اقپاراتتى تەك حات جولداۋ ارقىلى عانا الا الاسىز. ءبىزدىڭ ويىمىزشا بۇل جەردە شەت ەلدەردىڭ تاجىريبەسىن پايدالانۋعا بولادى.» دەدى.

كراۆچەنكونىڭ ايتۋىنشا ازەربايجان بيلىگى جىل سايىن حالقىنا بوس جاتقان جەرلەر جايىندا اقپارات تاراتاتىن كورىنەدى. ال بەلورۋسسيا الداعى ۋاقىتتا بوس جاتقان جەرلەرگە بايلانىستى ەلەكتروندى كارتا جاساپ شىعارماقشى ەكەن.

“The Qazaq Times”