فرانتسيا جانارماي بەكەتتەرىندەگى كەزەك كۇتۋ. فوتو: ITV.com.

فرانتسيا حالقى جانارمايسىز قالدى دەپ حابارلايدى تۇركيا اقپارات قۇرالدارى. كوپتەگەن جانارماي بەكەتتەرىندە جانارماي تاۋسىلىپ، قوعامدىق كولىكتەردىڭ دە ءجۇرۋى قيىنداپ وتىر. بۇعان 26 مامىردان باستاپ جۇمىس تاستاۋ ناۋقانىن ۇيىمداستىرعان جانارماي تاسۋشى كولىك جۇرگىزۋشىلەرى سەبەپكەر بولىپ وتىر.

جۇمىس شارتىنىڭ اۋىرلىعىنا نارازى بولعان فرانتسياداعى جانارماي تاسۋشى كولىكتەرىنىڭ جۇرگىزۋشىلەرى 26 مامىردان باستاپ جۇمىس تاستاعان. سونىڭ سالدارىنان ەل بويىنشا 241 جانارماي بەكەتى ۋاقىتشا جۇمىس توقتاتۋعا ءماجبۇر بولىپ وتىر. 372 جانارماي بەكەتىندە ساتىلاتىن جانارماي تاۋسىلۋ الدىندا.

جانارماي تاۋسىلعان ورىندار تاپسىرىسىنىڭ جەتكىزىلۋىن كۇتۋدە. ال جانارماي بار بەكەتتەردىڭ بارىندە ۇزىننان ۇزاق كەزەكتەر ەل تۇرعىندارىنىڭ نارازىلىعىن قوزعاۋدا. جۇرگىزۋشىلەردىڭ تالابى ۇكىمەت جاعىنان قولعا الىنىپ وتىر.

“The Qazaq Times”