كەشە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الاڭىندا وتكەن ءباسپاسوز كونفەرەنتسياسىندا اگەنتتىكتىڭ اعا تەرگەۋشىسى دانيار بيگايداروۆ ەنەرگەتيكا جانە تۇرعىن ءۇي-كوممۋنالدىق شارۋاشىلىعى سالاسىنداعى سىبايلاس جەمقورلىق فاكتىلەرى تۋرالى ايتتى. بۇل تۋرالى اگەنتتىكتىڭ رەسمي سايتىندا جازىلدى.
اگەنتتىكتەگى رەسمي ادامنىڭ مالىمەتىنە سۇيەنسەك «2019 جىلى سىبايلاس جەمقورلىققا قارسى ءىس-قيمىل اگەنتتىگىنىڭ وندىرىسىندە وسى سالادا 104 سىبايلاس جەمقورلىق قىلمىستىق ءىس بولعان، ونىڭ 91-ءى سىبايلاس جەمقورلىققا قارسى قىزمەتپەن تىركەلگەن، 56 – وندىرىسپەن اياقتالدى، ونىڭ 49-ى سوتقا جولداندى. 20-دان استام لاۋازىمدى تۇلعا سوتتالدى» دەيدى.
ال، 2017-2019 جىلدار ارالىعىندا ەنەرگەتيكا جانە تۇرعىن ءۇي-كوممۋنالدىق شارۋاشىلىعى سالاسىندا سىبايلاس جەمقورلىققا قارسى قىزمەتپەن 300 – دەن استام سوتقا دەيىنگى تەرگەۋ تىركەلگەن. ونىڭ ىشىندە 288 قىلمىستىق ءىس تەرگەۋمەن اياقتالىپ، 92% سوتقا جولداندى جانە 78 تۇلعا سوتتالىپتى.
بۇل تەك ءبىر سالانىڭ عانا بەتكى كورنىسى. ەلىمىزدەگى ودان باسقا سالالاردا نە بولىپ جاتىر. ونى كوزى قاراقتى وقىرمان ءوزى دە باعامدار. اعا تەرگەۋشىنىڭ
«جۇرگىزىلگەن تالداۋ قورىتىندىسى بۇل سالانىڭ ءاربىر باعىتى سىبايلاس جەمقورلىق تاۋەكەلدەرىمەن ۇشتاسقانىن كۋالاندىرادى. انىقتالعان سىبايلاس جەمقورلىق تاۋەكەلدەرىنىڭ نەعۇرلىم ناقتى ناتيجەلەرى سىبايلاس جەمقورلىق تاۋەكەلدەرىنە سىرتقى تالداۋ اياقتالعاننان كەيىن جاريالاناتىن بولادى»، - دەگەنىن ەسكە سالعىمىز كەلەدى.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا