"سامۇرىق-ەنەرگو" اق-نىڭ 2016 جىلعى تازا تابىسى 18,4 ملرد تەڭگەنى قۇرادى. ال ەندى سالىستىرىپ كورىڭىز: 2015 جىلى كومپانيانىڭ شىعىنى 77,4 ملرد تەڭگە بولعان. بۇل جونىندە كومپانيانىڭ حالىقارالىق قارجىلىق ەسەپ ستاندارتتارى جونىندەگى ەسەبىندە ايتىلعان.
سالىق تولەگەنگە دەيىن كومپانيانىڭ تابىسى 22,4 ملرد تەڭگە بولعان. ال 2015 جىلى سالىق تولەنگەنگە دەيىن 78,8 ملرد تەڭگەگە شىعىن بولعان. بۇل جىلى جالپى تابىس 22%-عا نەمەسە 45,184 ملرد تەڭگەگە دەيىن ازايعان. ءتۇسىم 1,4%-عا، 181,310 ملرد تەڭگەگە دەيىن تومەندەگەن.
كومپانيانىڭ اكتيۆتەرىن 2016 جىلى 2,2%-عا، 1,049 ترلن تەڭگەەگ دەيىن كوبەيىپتى، ال جەكە كاپيتال 7,1%-عا نەمەسە 516,596 ملرد تەڭگەگە دەيىن وسكەن. ۇزاقمەرزىمدى قارجىلىق مىندەتتەرى 48%-عا، 280,819 ملرد تەڭگەگە دەيىن تومەندەسە، قىسقامەرزىمدى مىندەتتەر 54%-عا، 251,632 ملرد تەڭگەگە دەيىن وسكەن.
ايتا كەتەيىك، بۇعان دەيىن "سامۇرىق-ەنەرگو" اق ءوزىنىڭ 100% يەلىگىندەگى اكتيۆتەرىنىڭ ءبىرى - "شىعىس قازاقستانداعى وڭىرلىك ەنەرگەتيكا كومپانياسى" اق ساتىلىمعا شىعاراتىنى تۋرالى حابارلانعان. "سامۇرىق-ەنەرگو" ساۋدا ارقىلى 710 756 قاراپايىم اكتسيالارى مەن 45 865 ارتىق اكتسيالارىن ساتپاقشى. اكتيۆ بويىنشا ساۋدا 9,5 مدرد تەڭگەدەن باستالاتىن بولادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى