"سامۇرىق-ەنەرگو" اق وزىنىڭ 100% يەلىگىندەگى اكتيۆتەرىنىڭ ءبىرى - "شىعىس قازاقستانداعى وڭىرلىك ەنەرگەتيكا كومپانياسى" اق ساتىلىمعا شىعارادى. "سامۇرىق-ەنەرگو" ساۋدا ارقىلى 710 756 قاراپايىم اكتسيالارى مەن 45 865 ارتىق اكتسيالارىن ساتپاقشى. اكتيۆ بويىنشا ساۋدا 9,5 مدرد تەڭگەدەن باستالادى، دەپ حابارلايدى Kapital.kz.
كونكۋرسقا ءوتىنىش بەرۋ ءۇشىن الدىمەن 68 ملن تەڭگە كولەمىندە كەپىلدىك جارناسى تولەنۋى ءتيىس. كونكۋرستىڭ ءبىرىنشى كەزەڭىنە وتىنىشتەردى قابىلداۋ 23 ماۋسىم كۇنى ساعات 15:00-دە اياقتالادى. ال ەكىنشى كەزەڭ بويىنشا كونكۋرس ناتيجەلەرى 20 شىلدەدە بەلگىلى بولادى.
كونكۋرستىڭ ءوتۋ رەتى مىناداي: بىرىنشىدەن، كونكۋرسقا قاتىسۋعا وتىنىشتەردى جىبەرۋ جانە ونى قاراۋ. ەكىنشىدەن، كونكۋرس جەڭىمپازىن انىقتاۋ ءۇشىن كونكۋرس ۇسىنىستارىن قاراۋ.
ساتىپ الۋشى "شىعىس قازاقستانداعى وڭىرلىك ەنەرگەتيكا كومپانياسىنىڭ" نەگىزگى اتقاراتىن قىزمەتىن ساقتاۋى كەرەك. ايتا كەتەيىك، بۇل كومپانيا 2012 جىلى "سامۇرىق-ەنەرگونىڭ" سەنىمدى باسقارۋىنا وتكەن. ال 2013 جىلى ناۋرىز ايىندا كومپانيانىڭ اكتسيالار پاكەتى "سامۇرىق-ەنەرگونىڭ" تولىق جەكەمەنشىگىنە ءوتتى.
"شىعىس قازاقستانداعى وڭىرلىك ەنەرگەتيكا كومپانياسى" ەلەكتر ەنەرگياسىن تاراتۋمەن اينالىسادى. وبەكتىنىڭ اۋماعى 283 مىڭ مەتردى قۇرايدى. كاسىپورىن جەلىسىنىڭ جالپى ۇزىندىعى - 34,537 شاقىرىم.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى