بوگەنباي باتىردىڭ دۋلىعاسى تابىلدى

جوعالدى دەگەن بوگەنباي باتىردىڭ دۋلىعاسى تابىلدى  دەپ حابارلايدى informburo.kz سايتى.

وسى ۋاقىتقا دەيىن جوعالدى دەلىنىپ كەلگەن بوگەنباي باتىردىڭ دۋلىعاسى اقمولا وبلىسى، ەرەيمەنتاۋ اۋدانى، مالتابار اۋىلىنان تابىلدى. بوگەنباي باتىردىڭ دۋلىعاسى وسى ۋاقىتقا دەيىن مالتابار اۋىلىندا تۇراتىن باتىردىڭ جەتىنشى ۇرپاعى جاباي باتىرقوجاۇىلىنىڭ ۇيىندە ساقتالىپ كەلگەن.

فوتو: informburo.kz. جاباي باتىرقوجاۇلى بوگەنباي باتىردىڭ جەتىنشى ۇرپاعى.

جاباي باتىرقوجاۇىلىنىڭ اتاسى كەنجالى كەڭەس ۇكىمەتى كەزىندە ۇرپاقتارىنا بوگەنباي باتىردىڭ دۋلىعاسىن ۇيدەن شىعارماڭدار، ول تۋرالى ەشكىمگە ايتپاڭدار دەپ ەسكەرتىپ، بولاشاق ۇرپاققا جەتكىزۋدى امانات ەتكەن ەكەن.

فوتو: informburo.kz

جاباي باتىرقوجاۇلىنىڭ اۋلەتىندە دۋلىعامەن بىرگە باتىردىڭ ساۋىتىدا بولعان. بىراق ۋاقىت وتە كەلە ساۋىت توتتانىپ ءشىرىپ كەتكەن. كەيىننەن ساۋىتتىڭ قالدىقتارىن ىرىمداپ ەلگە تاراتىپ بەرگەن.

ال بوگەنباي باتىردىڭ نايزاسىن ەرتەرەكتە ورىس گۋبەرناتورىنا  جاباي باتىرقوجاۇلىنىڭ اتالارىنىڭ ءبىرى سىيعا بەرىپ جىبەرگەن.

“The Qazaq Times”