قر قارجى مينيسترلىگى قازينۆەستبانك پەن Delta Bank-تەگى قاراجاتى قايتارىپ الۋ بويىنشا جۇمىستار جۇرگىزىپ جاتىر. بۇل تۋرالى ۆەدومستۆو باسشىسى باقىت سۇلتانوۆ مالىمدەدى.
"زاڭعا سايكەس جۇمىس جۇرگىزىلىپ جاتىر. كرەديتورلاردىڭ كەزەگى ناقتىلانعان. ەگەر قاجەت بولسا بارلىق تەكسەرىستى جۇرگىزەمىز", - دەدى مينيستر.
ايتا كەتەيىك، وتكەن جىلدىڭ جەلتوقسان ايىندا قر ۇلتتىق بانكى «قازينۆەستبانك» اق-نى بانكتىك جانە وزگە دە وپەراتسيالاردى جانە باعالى قاعازدار نارىعىندا قىزمەتتى جۇرگىزۋگە بەرىلگەن ليتسەنزياسىنان ايىرعان. شەشىم اتالعان بانكتىڭ «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ) 48-بابى 1-تارماعىنىڭ ۆ) تارماقشاسىندا كوزدەلگەن نەگىزدەر بويىنشا، تولەم جانە اۋدارىم وپەراتسيالارى بويىنشا شارتتىق مىندەتتەمەلەردى ۇنەمى ورىنداماعانى ءۇشىن قابىلدانعان.
ال كەيىن قازينۆەستبانكتە زەينەتاقى قورىنىڭ 1 ملرد 449 ملن تەڭگەسى بار ەكەنى ءمالىم بولدى. سالىم 2019 جىلدىڭ 21 قازانىندا الىنۋى ءتيىس ەكەن. وسى جىلدىڭ 1 ساۋىرىندەگى اقپارات بويىنشا قازينۆەستبانكتىڭ دەپوزيتىندە 1 ملرد 491 ملن تەڭگە ورنالاسقان، ال وتكەن جىلدىڭ قاڭتار ايىندا بۇل قارجى 2,9 ملرد تەڭگە بولعان.
بۇدان بولەك ۇلتتىق بانك بىرەر كۇن بۇرىن «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليتسەنزياسىن توقتاتا تۇرۋ تۋرالى شەشىم قابىلداعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى