قازاقستاندىقتارعا دەمالۋ قىمبات

فوتو: ۆەكتور نيۋز

دەۆالۆاتسيادان كەيىنگى ءبىر جىل ىشىندە قازاقستاندىقتار ءۇشىن دەمالۋ قۇنى 27%-عا قىمباتتاعان. رەسمي مالىمەتتەرگە سۇيەنسەك، دەمالۋعا كەتكەن شىعىن 2016 جىلى ءبىر ادام ءۇشىن 49,5 تەڭگەنى قۇراعان. ال 2015 جىلى دەمالۋ ءبىر ادامعا 39 مىڭ تەڭگە بولعان. مۇنداي مالىمەتتەردى ranking.kz اگەنتتىگى كەلتىرىپ وتىر.

بۇدان بولەك قازاقستاندىقتارعا شەتەلدە دەمالۋ دا ءبىراز قىمباتقا تۇسكەن. 2016 جىلى ءبىر ادامنىڭ شەتەلدە دەمالۋعا كەتكەن شىعىنى 144,9 مىڭ تەڭگە بولعان. كورسەتكىش 2015 جىلمەن سالىستىرعاندا 46%-عا جوعارى.

ال قازاقستاننىڭ وزىندە دەمالۋ شەتەلدەگىدەي قىمبات بولماسا دا ىشكى نارىق ءۇشىن ءبىراز قۇندى. 2016 جىلى ورتاشا ەسەپپەن ءاربىر قازاقستاندىق 31,5 مىڭ تەڭگە جۇمساعان جانە بۇل كورسەتكىش 2015 جىلعا قاراعاندا 14%-عا جوعارى.

ەلدە دەمالۋدى ءجون كورەتىندەرگە الدىمەن تاماق قىمبات بولعان. مىسالى 2015 جىلى تاماققا جۇمسالعان قارجى 5,6 تەڭگە بولسا، 2016 جىلى 6,7 مىڭ تەڭگە جۇمسالعان. تاماققا جۇمسالعان قارجى جالپى شىعىنداردىڭ 21,4%-ىن قۇرايدى. ال كولىككە كەتەتىن شىعىن 5,5 مىڭ تەڭگە بولسا، سۋۆەنيرلەر مەن سىيلىقتارعا 2,9 مىڭ تەڭگە جۇمسالعان.