ەلىمىزدىڭ جاستارى ستەند اتۋ جارىسىندا باق سىنايدى

2017 جىلعى 31 مامىر – 05 ماۋسىم ارالىعىندا شىمكەنت قالاسى «ەلدورادو» سپورتتىق كەشەنىندە ستەند اتۋدان قازاقستان رەسپۋبليكاسىنىڭ ءىV جاستار سپورت ويىندارى وتەدى. قاتارلاس «وڭتۇستڭك قازاقستان وبلىسىنىڭ گران-ءپريى» حالىقارالىق ءتۋرنيرى وتكىزىلەتىن بولادى دەپ حابارلادى قر مادەنيەت جانە سپورت مينيسترلىگىنىڭ رەسمي سايتى.
بۇل جارىسقا الماتى، قىزىلوردا، ماڭعىستاۋ، وڭتۇستىك قازاقستان وبلىستارىمەن قاتار استانا جانە الماتى قالالارىنان 100 دەن استام جاس سپورتشىلار قاتىسادى.
دودا بارىسىندا 17-ءشى ازيا ويىندارىنىڭ چەمپيوندارى مەن جۋلدەگەرلەرى دميتريەنكو ماريا، موگيلەۆسكي اندرەي، II جاسوسپىرىمدەر ازيا ويىندارىنىڭ جەڭىمپازدارى الەكساندر مۋحامەديەۆ، داۆيد پوچيۆالوۆ، XIII ازيا چەمپيوناتىنىڭ چەمپيونى چيكۋلاەۆ ارتەم جانە VI «ازيا بالالارى» حالىقارالىق سپورتتىق ويىندارىنىڭ چەمپيوندارى مەن جۇلدەگەرلەرى گورباچەۆا الەكساندرا، پوچيۆالوۆ ارتۋر، يۆانوۆا ەكاتەرينالار ءوز شەبەرلىكتەرىن كورسەتەتىن بولادى.
قازاقستان رەسپۋبليكاسى ءىV جاستار سپورت ويىندارىنىڭ ماقساتى: قازاقستان رەسپۋبليكاسىندا ستەند اتۋ سپورتىن تانىمال ەتۋ، رەسپۋبليكانىڭ وبلىس جانە قالالارىنداعى سپورت تۇرلەرى بويىنشا سپورتتىق رەزەرۆتەردىڭ وقۋ-جاتتىعۋ پروتسەسستەرى دايىندىعى ساپاسىن تەكسەرۋ، كەلەشەكتە ءۇمىت كۇتتىرۋشى جاس سپورتشىلاردى رەسپۋبليكانىڭ قۇراما كومانداسىنا ىرىكتەۋ جۇرگىزۋ.
كۋبوكتىڭ سالتاناتتى اشىلۋ ءراسىمى 02 ماۋسىم ساعات 12-00 شىمكەنت قالاسى بۇرىنعى كومسومول كولى ماڭىنداعى «ەلدورادو» سپورتتىق كەشەنىندە وتەدى.
جارىستى ۇيىمداستىرۋشىلار وقو دەنە شىنىقتىرۋ جانە سپورت باسقارماسى، قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى جونىندەگى كوميتەتىنىڭ «اتىس سپورتى تۇرلەرىنەن وليمپيادالىق دايارلاۋ ورتالىعى» رمقك، وبلىستىق اتۋ جانە ۇقساس سپورت تۇرلەرىنەن وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر مەكتەبى، «سپورتتىق اتۋ تۇرلەرىنەن قازاقستان فەدەراتسياسى» قب.

“The Qazaq Times”