فوتو: Vlast.kz

"سامۇرىق-قازىنا" قىتايدان 3 ملرد دوللار كولەمىندە قارىز الماقشى. كومپانيا باسشىسى ومىرزاق شوكەەۆتىڭ سوزىنشە، قىتايدان قارىز الۋ دۇرىس شەشىم جانە ول ۇزاق مەرزىمگە بەرىلەدى جانە ولار قارىزدى ەشبىر كەپىلدىكسىز بەرۋگە دايىن.  بۇل تۋرالى ول ءماجىلىس وتىرىسى كەزىندە مالىمدەدى. 

"ەگەر قارىز شارتتارى جاقسى بولسا ونى الۋ كەرەك جانە جاقسى يدەيالار مەن جوبالارعا جۇمساۋعا بولادى. ءبىز ءبىراز ۋاقىت بۇرىن قىتايدا بولدىق. قىتاي ۇكىمەتى مەن بانكتەرى قازاقستانعا ءبىر پايىزبەن ەشبىر كەپىلدىكسىز ۇزاق مەرزىمگە قارىز بەرۋگە دايىن. 3 ملرد دوللاردىڭ جوباسىن قۇرىپ جاتىرمىز. قارىزدى ءبىز ناگىزگى جوسپار بويىنشا جۇمسايمىز، سوندىقتان مۇنداي كرەديتتەردى الۋعا بولادى دەپ ويلايمىن", - دەدى شوكەەۆ.

ونىڭ سوزىنشە، 8-9 ماۋسىمدا قازاقستانعا قىتايدان دەلەگاتسيا كەلەدى. قارىز الۋدىڭ انىق-قانىعى سول كەزدە تالقىلاناتىن بولادى.

ايتا كەتەيىك، "سامۇرىق-قازىنا" اق-دا مەملەكەتتىك رەسۋرستاردى پايدالانۋدىڭ تيىمدىلىگى تۋرالى" تاقىرىبىنا قاتىستى بولعان وتىرىس كەزىندە ءماجىلىس دەپۋتاتى نۇرتاي سابيليانوۆ  كومپانيا قارىزى 2016 جىلدىڭ سوڭىنا قاراي  9 ترلن 938 ملرد تەڭگە بولعانىن (29,8 ملرد دوللار) مالىمدەگەن. ونىڭ ىشىندە ۇكىمەت قارىزى — 3 ترلن 52 ملرد تەڭگە، وزگە قارىزدار — 6 ترلن 889 ملرد تەڭگە.“The Qazaq Times”