تۇركياداعى سۇريالىق كۇرتتەر. فوتو: trt.net

تۇركياعا پانالاعان 30 مىنان استام كۇرد سۇرياداعى مەكەندەرىنە قايتا الماي وتىر. 2014 جىلى ءسۇريانىڭ حالەب قاراسىنا قاراستى اين ءال-اراب ايماعىن دايش ۇيىمى قارۋلى قاقتىعىستار ارقىلى باسىپ العان بولاتىن. سودان بەرى ايماقتا مەكەندەگەن كۇردتەر تۇركياعا پانالاي بارىپ، بوسقىندار شاتىرىندا تۇرىپ كەلەدى.  دايش ۇيىمى اين ءال-اراب جەرىنەن قۋىلعانىمەن PYD دەپ اتالاتىن تەررورلىق توپ وسى ءوڭىردى ءوز باقىلاۋىنا العان.

تۇرىك تەلە-راديوسىنىڭ رەسمي سايتىنىڭ حابارىنا قاراعاندا، دايش ۇيىمى ايماقتان شەگىنىپ شىققانىمەن حالەب قالاسى قاراماعىنداعى وڭىرلەر ءالى دە كۇردتەر ءۇشىن قاۋىپسىز بولماي وتىر. تۇركيانى پانالاعان 30 مىڭنان استاپ كۇرتتىڭ مەكەندەرىنە ورالۋىنا اتالعان تەررورلىق توپتىڭ كۇرتتەرگە قاراتقان ۇستانىمى بوگەت بولىپ وتىر.

تۇركيا جاق بوسقىندارعا قولايلى شارت-جاعداي جاساپ بەرگەن. ولاردى باسپانامەن قامتۋ جانە ءجۇرىپ-تۇرۋىنا ەرىك بەرىلگەن. دەسە دە مەكەندەرىنە قايتقىسى كەلەتىن كۇردتەردىڭ العاشقى ءبىر توبى PYD-تىڭ قۋدالاۋى مەن قىرعىنشىلىعىنا ۇشىراعان. سۇريامەن شەكارالاس تۇرىك جەرىندە ۋاقىتشا قونىستانعان كۇردتەر سۇريالىق رەتىندە ەلدەرىنىڭ بولشەكتەنىپ كەتۋىن قالامايتىندارىن ايتادى.

"The Qazaq Times"