قازاقستان مۇناي ءوندىرۋدى قىسقارتۋعا نەگىزدەلگەن كەلىسىمشارتتى ۇزارتۋعا بايلانىستى تاراپتاردىڭ شارتتارىن تالقىلاپ، كەلىسسوزدەر جۇرگىزۋگە دايىن. بۇل تۋرالى ەنەرگەتيكا ءمينيسترى قانات بوزىمباەۆ مالىمدەدى.
28 ءساۋىر كۇنى ساۋد ارابياسىنىڭ ەنەرگەتيكا، ونەركاسىپ جانە مينەرالدى رەسۋرستار ءمينيسترى حالەد ءال-فالەح مۇناي ءوندىرۋدى ازايتۋعا بايلانىستى كەلىسىمشارتتى تاعى جارتى جىلعا ۇزارتۋدى ۇسىنعان بولاتىن. سونىمەن قوسا، حالەد ءال-فالەح بۇل ماسەلە جونىندە قازاقستاننىڭ پريمەر-ءمينسترى باقىتجان ساعىنتاەۆپەن كەزدەسىپ، اقىلداسۋدى جوسپارلاپ وتىرعاندىعىن جەتكىزگەن .
قانات بوزىمباەۆ جۋرناليستەرگە: «قازاقستان كەلىسىمشارتتىڭ مەرزىمىن ۇزارتۋعا بايلانىستى شارتتاردى تالقىلاۋعا دايىن» - دەدى.
مينيستر مامىردىڭ سوڭىندا ۆەنا قالاسىندا وتەتىن كەلىسسوزدەرگە نە ءوزى، نەمەسە ورىنباسارى باراتىندىعىن ايتىپ وتىر.
وپەك وتكەن جىلدىڭ 30 قاراشاسىندا قازانداعى كورسەتكىشكە قاراعاندا مۇناي ءوندىرۋدى 1,2 ميلليون باررەلگە دەيىن قىسقارتۋ تۋرالى شەشىم شىعارعان بولاتىن.
The Qazaq Times
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى