Resey Mariupol'di qamtığan twtas Donbass aymağına şabuıl tebinin arttırıp jatır. AQŞ Ukrainağa bağıttalğan qorğanıs kömeginiñ jaña kezeñin dayındap jatır. Jaña kömek turalı prezident Bayden bügin arnayı mälimdeme jasamaq.
Qwrama Ştattan Ukrainağa qazirge deyin 800 million dollar köleminde kömek jetkizildi. Aq üy mälimdemesinde qorğanıs kömeginiñ jaña päketi Ukrainanıñ şığıs aymağındağı soğıs üşin asa mañızdı ekeni aytılğan. Onda qosımşa artilleriyalıq qwraldar men on mıñdağan snaryadtar qamtılğan.
AQŞ ukrainağa köbirek artilleriyalıq qaru jiberetinin prezident Bayden osı aptanıñ basında da aytqan bolatın. Bayden äkimşiliginiñ joğarı lauazımdı ökili «Amerika dauısına» bergen mälimetinde, Qwrama Ştattar Ukrainanı qoldauğa naurız ayında Kongress bekitken 3,5 milliard qarjını qamtığan, jalpı 24 milliard dollar köleminde qarjı jwmsağanın aytqan. Bwl Urkainağa özin özi qorğau qwraldarı jäne qorğanu mümkindikterine jwmsalğan.
Särsenbide Resey Mariupol' qalasına jaña şabuıl qoydı. Beyresmi derekter boyınşa şaharda 100 mıñnan astam beybit twrğın qamalıp otır. Soğıstan bwrın Mariupol'de 400 mıñ twrğın bolğan.
BWW bas hatşısı bir kün mälimdeme jasap, soğıs aymaqtarınan beybit twrğındardı evakuaciyalau jäne gumanitarlıq kömek jetkizu üşin qos taraptı 24 säuirden bastap tört kün atıs toqtatuğa şaqırğan.
Respublikaşıldar immigraciyalıq operaciyanı sınğa aldı, biraq Tramptı aşıq ayıptaudan tartındı
Irannıñ ruhani kösemi: soñğı narazılıqtar kezinde mıñdağan adam qaza taptı
Irandağı qantögis pen sırtqı qısım: Tramptıñ ekiwştı signalı
Oqpen basılğan qañtar: Iranda bilik halıqtı qarumen basıp jatır
AQŞ «tasadağı flotqa» tosqauıl qoydı: Olina tankeri jäne teñizdegi jaña sankciyalıq soğıs
Venesueladağı äskeri operaciya: Tramptıñ mälimdemesi jäne aymaqtıq twraqsızdıq täuekeli