رەسەي ءماريۋپولدى قامتىعان تۇتاس دونباسس ايماعىنا شابۋىل تەبىنىن ارتتىرىپ جاتىر. اقش ۋكرايناعا باعىتتالعان قورعانىس كومەگىنىڭ جاڭا كەزەڭىن دايىنداپ جاتىر. جاڭا كومەك تۋرالى پرەزيدەنت بايدەن بۇگىن ارنايى مالىمدەمە جاساماق.
قۇراما شتاتتان ۋكرايناعا قازىرگە دەيىن 800 ميلليون دوللار كولەمىندە كومەك جەتكىزىلدى. اق ءۇي مالىمدەمەسىندە قورعانىس كومەگىنىڭ جاڭا پاكەتى ۋكراينانىڭ شىعىس ايماعىنداعى سوعىس ءۇشىن اسا ماڭىزدى ەكەنى ايتىلعان. وندا قوسىمشا ارتيللەريالىق قۇرالدار مەن ون مىڭداعان سناريادتار قامتىلعان.
اقش ۋكرايناعا كوبىرەك ارتيللەريالىق قارۋ جىبەرەتىنىن پرەزيدەنت بايدەن وسى اپتانىڭ باسىندا دا ايتقان بولاتىن. بايدەن اكىمشىلىگىنىڭ جوعارى لاۋازىمدى وكىلى «امەريكا داۋىسىنا» بەرگەن مالىمەتىندە، قۇراما شتاتتار ۋكراينانى قولداۋعا ناۋرىز ايىندا كونگرەسس بەكىتكەن 3,5 ميلليارد قارجىنى قامتىعان، جالپى 24 ميلليارد دوللار كولەمىندە قارجى جۇمساعانىن ايتقان. بۇل ۋركايناعا ءوزىن ءوزى قورعاۋ قۇرالدارى جانە قورعانۋ مۇمكىندىكتەرىنە جۇمسالعان.
سارسەنبىدە رەسەي ماريۋپول قالاسىنا جاڭا شابۋىل قويدى. بەيرەسمي دەرەكتەر بويىنشا شاھاردا 100 مىڭنان استام بەيبىت تۇرعىن قامالىپ وتىر. سوعىستان بۇرىن ماريۋپولدە 400 مىڭ تۇرعىن بولعان.
بۇۇ باس حاتشىسى ءبىر كۇن مالىمدەمە جاساپ، سوعىس ايماقتارىنان بەيبىت تۇرعىنداردى ەۆاكۋاتسيالاۋ جانە گۋمانيتارلىق كومەك جەتكىزۋ ءۇشىن قوس تاراپتى 24 ساۋىردەن باستاپ ءتورت كۇن اتىس توقتاتۋعا شاقىرعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى