Bwgin tirkelmegen Demokratiyalıq partiyanıñ jetekşisi, sayasatker Janbolat Mamay «Nwr Otan» partiyası törağasınıñ birinşi orınbasarı Bauırjan Baybekke qarsı kassaciyalıq şağım tüsirgenin mälimdedi. 

Sayasatker Janbolat Mamay: «Nwr Otan» törağasınıñ birinşi orınbasarı Bauırjan Baybektiñ jemqorlığın jan-jaqtı äşkere etkenimiz belgili. Biraq, Almatı sottarı biz keltirgen dälelderge nazar audarmay, şeşimdi tapsırıs boyınşa Baybektiñ paydasına şığarğanı mälim. Bügin men sol şeşimdermen kelispeytinimdi bildirip, QR Joğarı sotına kassaciyalıq şağım joldadım.

Nazarbaev jeke biligin masqara bolıp tapsırılğalı beri elde «ädildik, şındıq boladı» degen uädeler üyip tögilip berilip jatır. Bwrın mızğımas qamal bolıp twrğan Äliya Nazarbaevanıñ Operator ROP basşılığına qatıstı da qılmıstıq is qozğaluda. Olay bolsa, Nazarbaevtıñ «Nwr Otandağı» birinşi orınbasarı bolğan, onıñ klastasınıñ wlı bolğanı üşin Almatı äkimi etken, basqa da lauazımdı qızmetterge tağayındalğan Baybektiñ jemqorlığına qatıstı sot şeşimi şığa ma? Bizdiñ qolımızdağı qanşama dälelder dalağa ketpey, Joğarı sotta ädil qarala ma? Mine, sonı köreyik.
Baybekti «aqtap» şıqqan Äuezov audanı men Almatı qalası sot şeşimderi joqqa şığarıluı tiis dep sanaymın. Bizdiñ keltirgen dälelderimiz, däyekterimiz ben qwjattarımız esepke alınıp, sot şeşimi bizdiñ paydamızğa şığarıluı tiis! Almatını tonağan Baybek mwnımen qoymay, bizdiñ jürgizuşi kuäligimizge deyin tartıp alğanı belgili. Mine, osı soraqı sot şeşimderiniñ barlığı küşin joyuı kerek. Ärine, ädildik, şındıq bolsa.
Endigi söz — Joğarı sotta. Bwrınğıday baybekterdiñ müddesin qorğap, şındıqtı twnşıqtıra ma, älde aqiqattı tu etip şeşim şığara ma — jaqında köremiz.  —degen öziniñ FB-dağı paraqşasında.
Bwğan deyin sayasatker Janbolat Mamay biliktegi "Nwr Otan" partiyası törağasınıñ birinşi orınbasarı Bauırjan Baybektiñ jemqorlıqqa qatısı bar ekendigin däleldeytin beyne jazba jaryalağan bolatın. Osığan baylanıstı ötken jıldıñ säuirinde Baybek Mamaydı sotqa berip sot ükimi Baybektiñ paydasına şeşilgen. Alayda Mamay beyne bayandı öşiruden bas tartqan bolatın.