بۇگىن تىركەلمەگەن دەموكراتيالىق پارتيانىڭ جەتەكشىسى، ساياساتكەر جانبولات ماماي «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەككە قارسى كاسساتسيالىق شاعىم تۇسىرگەنىن مالىمدەدى. 

ساياساتكەر جانبولات ماماي: «نۇر وتان» توراعاسىنىڭ ءبىرىنشى ورىنباسارى باۋىرجان بايبەكتىڭ جەمقورلىعىن جان-جاقتى اشكەرە ەتكەنىمىز بەلگىلى. بىراق، الماتى سوتتارى ءبىز كەلتىرگەن دالەلدەرگە نازار اۋدارماي، شەشىمدى تاپسىرىس بويىنشا بايبەكتىڭ پايداسىنا شىعارعانى ءمالىم. بۇگىن مەن سول شەشىمدەرمەن كەلىسپەيتىنىمدى ءبىلدىرىپ، قر جوعارى سوتىنا كاسساتسيالىق شاعىم جولدادىم.

نازارباەۆ جەكە بيلىگىن ماسقارا بولىپ تاپسىرىلعالى بەرى ەلدە «ادىلدىك، شىندىق بولادى» دەگەن ۋادەلەر ءۇيىپ توگىلىپ بەرىلىپ جاتىر. بۇرىن مىزعىماس قامال بولىپ تۇرعان ءاليا نازارباەۆانىڭ وپەراتور روپ باسشىلىعىنا قاتىستى دا قىلمىستىق ءىس قوزعالۋدا. ولاي بولسا، نازارباەۆتىڭ «نۇر وتانداعى» ءبىرىنشى ورىنباسارى بولعان، ونىڭ كلاستاسىنىڭ ۇلى بولعانى ءۇشىن الماتى اكىمى ەتكەن، باسقا دا لاۋازىمدى قىزمەتتەرگە تاعايىندالعان بايبەكتىڭ جەمقورلىعىنا قاتىستى سوت شەشىمى شىعا ما؟ ءبىزدىڭ قولىمىزداعى قانشاما دالەلدەر دالاعا كەتپەي، جوعارى سوتتا ءادىل قارالا ما؟ مىنە، سونى كورەيىك.
بايبەكتى «اقتاپ» شىققان اۋەزوۆ اۋدانى مەن الماتى قالاسى سوت شەشىمدەرى جوققا شىعارىلۋى ءتيىس دەپ سانايمىن. ءبىزدىڭ كەلتىرگەن دالەلدەرىمىز، دايەكتەرىمىز بەن قۇجاتتارىمىز ەسەپكە الىنىپ، سوت شەشىمى ءبىزدىڭ پايدامىزعا شىعارىلۋى ءتيىس! الماتىنى توناعان بايبەك مۇنىمەن قويماي، ءبىزدىڭ جۇرگىزۋشى كۋالىگىمىزگە دەيىن تارتىپ العانى بەلگىلى. مىنە، وسى سوراقى سوت شەشىمدەرىنىڭ بارلىعى كۇشىن جويۋى كەرەك. ارينە، ادىلدىك، شىندىق بولسا.
ەندىگى ءسوز — جوعارى سوتتا. بۇرىنعىداي بايبەكتەردىڭ مۇددەسىن قورعاپ، شىندىقتى تۇنشىقتىرا ما، الدە اقيقاتتى تۋ ەتىپ شەشىم شىعارا ما — جاقىندا كورەمىز.  —دەگەن ءوزىنىڭ فب-داعى پاراقشاسىندا.
بۇعان دەيىن ساياساتكەر جانبولات ماماي بيلىكتەگى "نۇر وتان" پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ جەمقورلىققا قاتىسى بار ەكەندىگىن دالەلدەيتىن بەينە جازبا جاريالاعان بولاتىن. وسىعان بايلانىستى وتكەن جىلدىڭ ساۋىرىندە بايبەك مامايدى سوتقا بەرىپ سوت ۇكىمى بايبەكتىڭ پايداسىنا شەشىلگەن. الايدا ماماي بەينە باياندى وشىرۋدەن باس تارتقان بولاتىن.